Алматыда бүгін түстен кейін тағы жер сілкінді

Бүгін күндіз Қырғызстан мен Қытай шекарасында жер сілкінісі болды.

Жер асты дүмпуін Төтенше жағдайлар министрлігінің "СБ және ЗҰҒО" ЖШС сейсмикалық станциялар желісі 23 қаңтарда Астана уақытымен сағат 15:07-де тіркеген.

"Жер сілкінісінің ошағы Алматыдан оңтүстік-шығысқа қарай 264 шақырым жерде Қытай аумағында орналасқан. Жер сілкінісінің энергетикалық класы - 11,6. Магнитудасы MPV - 4,9", - делінді таратылған хабарламада.

Соның әсерінен Алматыда 2 баллдық жер сілкінісі сезілді.