Алдағы жексенбіден бастап Қостанайдан Түркістанға әуе қатынасы ашылады

14 қаңтардан бастап Қостанайдан Түркістанға және кері әуе рейсі қатынайды. Билет бағасы бір бағытқа 27 000 теңге болмақ.

Фото: freepik.com

«Әуе сапарларының қолжетімділігін арттыру және ішкі туризмді дамыту мақсатында QAZAQ AIR әуекомпаниясы 14 қаңтардан бастап Қостанай-Түркістан-Қостанай бағыты бойынша әуе рейсін іске қосады. Рейстер сейсенбі және жексенбі күндері, яғни аптасына 2 рет кесте бойынша орындалады.

Субсидияланатын әлеуметтік маңызы бар авиарейстердің құны бір бағытта 27 000 теңгені құрайды. 14 жасқа дейінгі балаларға 50% жеңілдік бар. Қол жүгін тасымалдау нормасы 5 келі болса, ауыр жүк ретінде болса 20 келі», - делінген компания сайтындағы хабарламада.

Ал ұшу күнін өзгерту және билеттерді қайтару тегін болады.

flyqazaq.com