Мазмұнға өту

Жаңа

Б. Сағынтаев: Қазақстан ЭЫДҰ-мен алдағы ынтымақтастық бойынша іс-қимыл жоспарын әзірлеуге дайын

ҚР Премьер-Министрі Б. Сағынтаев Парижде өтіп жатқан форумға қатысушыларға бейнеүндеу жолдады, деп хабарлайды primeminister.kz.

Б. Сағынтаев Қазақстан тәуелсіздік алған уақыттан бері әлем қауымдастығы өкілдерінің алдында өзін сенімді, мықты экономикалық және саяси серіктес ретінде көрсеткенін атап өтті.

Дүниежүзілік банктің «Doing Business» рейтингісіне сәйкес, екі жыл қатарынан ілгерінді реформаларды жүзеге асырудағы үздік орындаушы мәртебесін алған Қазақстан әлемнің 190 елінің арасында 35-ші орынға табан тіреді. Премьер-Министрдің айтуынша, бұл ҚР Үкіметінің іскерлік ахуал мен мемлекеттік реттеудің тиімді жүйесін құру идеяларына берілгендігін көрсетеді.

2015 жылы ЭЫДҰ Қазақстанды ынтымақтастықтың Елдік бағдарламасын іске қосу үшін үш серіктестің бірі ретінде таңдады, бұл біздің еліміздің әлемнің 30 дамыған елінің қатарына ену үшін ЭЫДҰ үздік практикаларын қолдануға ынтасын айқындайды.

ҚР Премьер-Министрі Елдік бағдарламаға қолдау ретінде, өткен жылы ҚР Президенті Нұрсұлтан Назарбаев мемлекеттік қызметті жетілдіру, әділ сот жүйесін нығайту, экономиканы әртараптандыру, әлеуметтік модернизация және мемлекет ашықтығын арттыру секілді мемлекет дамуының көптеген аспектілерін қамтитын Ұлт жоспары – 100 нақты қадамды ұсынғанын еске салды.

Б. Сағынтаев қысқа уақыт ішінде, ЭЫДҰ-ның Елдік бағдарламасын іске асыру бастау алғалы Қазақстанда институционалдық ортаны жақсартуға бағытталған 59 заң қабылданғанын атап өтті. Үкімет 2016 жылдың соңына қарай бағдарламаны іске асыруды аяқтауды жоспарлайды.

Сонымен қоса, Б. Сағынтаев Қазақстан мен ЭЫДҰ арасындағы әрі қарайғы ынтықмақтастықтың толық іс-қимыл жоспарын әзірлеуге Қазақстанның дайын екенін мәлімдеді. Осы орайда Премьер-Министр форумның келесі кеңесін Қазақстанда өткізу ұсынысын білдірді.

Айта кету керек, «ЭЫДҰ-дағы Еуразия аптасы 2016» форумы Еуразия мемлекеттері мен ЭЫДҰ-ға қатысушы елдер арасындағы қарым-қатынасты одан әрі нығайтуға жағдай жасау үшін және әлемдік қоғамдастықтың назарын өңірдің бәсекеге қабілеттігіне тікелей қатысты бірқатар бағыттар бойынша ынтымақтастығын нығайтуға аудару үшін өткізіледі.

Ақпарат көзі: strategy2050.kz

0
0
592

Қазақстанда "Қазақстанда жасалған" ұлттық брендтерді басқару агенттігі құрылды

Отандық өнім нарығы қарқынды түрде дамып келеді, деді «Халық маркасы» Қазақстандық тауарлар мен қызметтердің сапасын бақылау жүйесі федерациясы» заңды тұлғалар бірлестігінің президенті Римма Тәжібаева «Қазақстанда жасалған» ұлттық брендтерді басқару агенттігін құруға арналған Орталық коммуникациялар қызметінде өткен баспасөз конференциясы барысында.

Оның айтуынша кеше ғана жастанған жастықтан, жайғасқан жиһазға дейін шекараның ар жағынан жеткізілетін.

«Бүгінгі жағдай бөлек. Қазақстандық кәсіпкерлер сұранысты саралап, ұсынысты қабылдап, тұтынушыға сапасы жоғары қол жетімді бағамен өз өнімін беруге әзір екенін дәлелдеп отыр», -деп Р.Тәжібаева баяндамасын жалғастырды.

Отандық өнімнің басын қосқан алаңның артықшылығы, сатушылар орынды жалға алу үшін ақы төлемейді. Тауарын  тегін қояды. Қазіргі таңда тауар айналым көлемі 30 миллионнан астам. Бүгінге дейін бұл павильонда 100 шақты компания өз орнын алып үлгерді. 10 мыңнан астам отандық тауардың үлгісі бар. Жоспарда 500 брендті тауар орналастыру. Сонда павильон 100 000 астам отандық тауарға толығады.

«Қазір біз «ЭКСПО-2017» қарсаңында қаланың туристік картасына ендік, өйткені келуші қонақтардың бәрі, соның ішінде шетелдік азаматтар өазаөстандық өнімді іздейтін болады. Атлмыш картаға тек отандық өнімдер сататын сауда орындары енеді. Оған дейін 7 Duty Free маркеті ашылады»,- деп баяндады Р.Тәжібаева.

Оның айтуынша, «ЭКСПО-2017» көрмесіне орай, ұлттық брендтерді басқару агенттігінің «Халық маркасы» 100 брендті жасау бойынша жоба іске асады.    Оған атақты әртістер, спортсмендер және депутаттар қатысады деп жоспарлануда. Жаңа 100 қазақстандық бренд мынадай топтар бойынша ашылмақ: азық-түлік, жиһаз, үйге арналған жабдықтар, аяқ-киім, киім-кешек және т.б.

Сондай-ақ, шара барысында Маңғыстау облысының қолдауымен, екі дүркін Олимпиаданың күміс жүлдегері Әділбек Ниязымбетовтің құрметіне «ZIBROO FOR АDOKA» балалар спорттық киімдерінің тұсаукесер-таныстыру  рәсімі өтті. Бұл бренд – «Қазақстанда жасалған» ұлттық брендтерді басқару агентігінің алқашқысы. Қазірдің өзінде 15 000 дана спорт киіміне тапсырыс түсіп отыр.

Ақпарат көзі: strategy2050.kz

0
0
709

Астанада ЕҚЫҰ елдерінде мүмкіндіктері шектеулі және қарт адамдардың сайлау құқықтарын сақтау бойынша семинар өтті

Орталық сайлау комиссиясында халықаралық байқаушылар үшін «ЕҚЫҰ елдерінде мүмкіндіктері шектеулі және қарт адамдардың электораттық құқықтарын іске асыру жағдайын байқау ерекшеліктері» атты семинар-тренинг өтті.

Семинар жұмысына Астанадағы ЕҚЫҰ бағдарламалық офисінің, ЕҚЫҰ-ның демократиялық институттар және адам құқықтары жөніндегі бюросының, Қазақстан Республикасының орталық мемлекеттік органдарының, министрліктерінің және ведомстволарының, сондай-ақ үкіметтік емес ұйымдарының өкілдері қатысты.

Семинарға қатысушыларға арнап Қазақстан Республикасы Орталық сайлау комиссиясының Хатшысы Б. Мелдешов және  Астанадағы ЕҚЫҰ бағдарламалық офисінің басшысы Елші Дьердь Сабо мырза құттықтау сөз сөйледі.

«Бүгін біздің семинар-тренингіміз ЕҚЫҰ-ға қатысушы елдерде мүмкіндіктері шектеулі және қарт адамдардың электораттық құқықтарының сақталуын байқауға арналған. ЕҚЫҰ-ның адами өлшемі жөніндегі Мәскеу кеңесінің 1991 жылғы 3 қазандағы құжатының 41-параграфында мүгедектігі бар адамдардың адами құқықтарын қорғауды қамтамасыз етуге, олардың қоғам өміріне толық қатысуына, оларға қатысы бар салаларда шешімдер қабылдауға мүмкіндік беруге, олардың қоғамдық ғимараттарға қол жеткізуі үшін қолайлы жағдайлар жасау міндеттері бекітілген. Бүгін біз осы ережені іске асырудың тетіктері, мүгедектер мен қарт адамдардың сайлау құқықтарының сақталуын байқауды ұйымдастырудың әдістері мен нысандары туралы айтамыз» - деп атап өтті Б. Мелдешов іс шараға қатысушыларға арналған сөзінде.

ҚР ОСК мүшесі М.А. Сәрсембаев ЕҚЫҰ-ға қатысушы мемлекеттердегі мүгедектердің электораттық құқықтары жөніндегі заңдардың салыстырмалы-құқықтық талдауының нәтижелерін ұсынды.

Сондай-ақ семинар шеңберінде ЕҚЫҰ-ның демократиялық институттар және адам құқықтары жөніндегі бюросының кеңесшісі Радивое Груич мырзаның «ЕҚЫҰ елдерінде мүмкіндіктері шектеулі және қарт адамдардың электораттық құқықтарының іске асырылу жағдайын байқаудың ерекшеліктері» тақырыбына тұсаукесері болды.

Молдова Республикасындағы мүгедектер мен қарттардың электораттық құқықтарының мәселелері бойынша ҚР ОСК аппараты Халықаралық қатынастар бөлімінің меңгерушісі А.Х. Арғынов сөз сөйледі.

«Ардагер» қоғамдық бірлестігінің өкілі Д.С. Жігітова сайлауға қарт адамдардың қатысуын қамтамасыз ету мәселелері жөнінде қатысушылармен өз көзқарасымен бөлісті.

Сонымен қатар семинар жұмысы барысында оған қатысушылар халықаралық ұйымдардың Миссияларының құрамында сайлауды халықаралық байқаудың ерекшіліктерін талқылады, Қазақстан өкілдерінің 2016 жылы ЕҚЫҰ/ДИАҚБ Миссиясының құрамында сайлауды байқауға қатысуы тәжірбиесімен бөлісті.

Атап айтқанда, осы жылы Ресейдегі және Беларусь Республикасындағы болған парламенттік сайлауды байқау тәжірбиесі қарастырылды.

Тренинг соңында 2017 жылы Қазақстан Республикасынан ЕҚЫҰ/ДИАҚБ Миссиясының құрамында байқаушылардың қатысу практикасын одан әрі жетілдіру және дамыту мәселелері жөнінде пікір алмасу болды.

Ақпарат көзі: strategy2050.kz

0
0
530

Чехия ЭКСПО-2017» көрмесінде өзінің ең жаңа технологияларын ұсынбақ

Астанада «Астана ЭКСПО-2017» ҰК» АҚ Басқармасының Төрағасы Ахметжан Есімовтың Чехияның өңірлік даму министрі Карла Шлехтовамен кездесуі өтті.

«Астана ЭКСПО-2017» ҰК» АҚ хабарлағандай, кездесуде тараптар Чехия Республикасының ЭКСПО-2017 Халықаралық мамандандырылған көрмесіне қатысуын талқылады.

Кездесу барысында А.Есімов Чехия делегациясын «ЭКСПО-2017» халықаралық көрмесіне дайындықтың қорытынды кезеңі туралы хабардар етті.

«Біздің Көрмеде Чехия елі өзінің баламалы энергия көздерін пайдалану саласындағы мықты дүниелерін көрсететіндігіне  қуаныштымыз. Бұл біздің елдер арасындағы достық қатынастарды нығайтатындығына және екі ел үшін туристік мүмкіндіктерді кеңейтетіндігіне сенемін», - деді Ахметжан Есімов.

«Көрме арқылы Қазақстан әлемдегі аса маңызды мәселелердің бірін – баламалы энергия көздерін пайдалану мәселесін көтеріп отыр. Біз өзіміздің осы бағыттағы ең жаңа технологияларымызбен таныстырамыз. Біздің министрлік осы мәселемен айналысуда. Біз көрмеге мейлінше дайындылап жатырмын. 2017 жылы біз Көрме аумағында Чехия Республикасының Ұлттық күнін өткізетін боламыз», - деп атап көрсетті министр.

Чехияның Өнеркәсіп және сауда министрлігінің деректері бойынша, Чехиядағы жаңартылатын энергия көздерінің даму үлесі 13% құрайды. Чехия Республикасына ауданы 292,5 шаршы метр жеке павильон бөлінді.

Бүгінгі күнге Астанадағы ЭКСПО-2017 көрмесіне қатынасатындықтарын 106 ел растады, 101 ел өз комиссарларын тағайындады, 90 ел көрмеге қатысу шартына қол қойды.

Естеріңізге сала кетелік, Астана қаласында халықаралық мамандандырылған көрме 2017 жылғы 10 маусым – 10 қыркүйек аралығында өтеді, көрмеге 2 миллионнан аса адам келеді және көрмеге келу саны 5 миллиондай болады деп күтілуде.

Ақпарат көзі: strategy2050.kz

0
0
530

А. Мамин Алматы агломерациясын дамыту мәселелерімен танысты

ҚР Премьер-Министрінің бірінші орынбасары Асқар Мамин жұмыс сапарымен Алматы қаласында болды, деп хабарлайды primeminister.kz.

А. Мамин Gate City жобасы іске асырылып жатқан Алматы агломерациясының солтүстігіндегі спутник-қаланың құрылыс барысымен танысты.

Қазіргі таңда Gate City спутник-қаласында сумен, электрмен, газбен қамту, жол инфрақұрылымы нысандары тұрғызылып, жылу желілерінің құрылысы жүргізілуде. 2017 жылы индустриалды аймақта алты жоба, сонымен қатар алғашқы тұрғын кешендері қолға алынады.

ҚР Премьер-Министрінің бірінші орынбасары, сондай-ақ, «Солтүстік айналым - Бөкейханов» көлік түйінінің құрылысын тексеріп қайтты. Көлік түйінін 2017 жылғы желтоқсанда пайдалануға беру жоспарда бар. Перспективті өткізу қабілеті – тәулігіне 361 177 автокөлік.

Сапар барысында  А. Мамин 2017 жылдың бірінші жартыжылдығында «Алтын Орда» базары ауданындағы Алматы-Бішкек жолының учаскесіне қайта құру жұмыстарын бастауды тапсырды. Бұл учаске Алматыға кіріп/шығатын барынша көп пайдаланылатын жол. ҚР Премьер-Министрінің бірінші орынбасары, сонымен қоса, келесі жылдың бірінші жартыжылдығында ұзындығы 66 км (6-8 жолақ) болатын Үлкен Алматы айналма автокөлік жолының құрылысын мемлекеттік-жекеменшік әріптестік жағдайында бастауды тапсырды.

Жұмыс сапары барысында А. Мамин Алматының Алатау ауданының солтүстік-батыс бөлігінде орналасқан Индустриялық аймақта болды. Жалпы ауданы 490 га болатын индустриялық аймақ алты өндірістік секторға бөлінген. Бұл азық-түлік, машина құрастыру, құрылыс, фармацевтика, химия және жеңіл өнеркәсіп. Индустриялық аймақ аумағында А. Мамин «BRB APK» ЖШС жылу кешенінің жұмысымен танысты. Жылыжайдан тәулігіне 20 тоннаға дейін көкөніс жиналады.

Бұдан кейін ҚР Премьер-Министрінің бірінші орынбасары қаланың Әуезов ауданында орналасқан «Достық» метро станциясының құрылыс барысын қадағалады. Жаңа станция Абай даңғылын бойлай, жүргін бөлік астында Момышұлы көшесінен батысқа қарай тұрғызылатын болады.

Екі жаңа станция 2020 жылға қарата іске қосылады деп жоспарланған.

Жұмыс сапарының қорытындысы бойынша Алматы қ. әкімдігінде Алматы агломерациясын дамыту мәселелері бойынша кеңес өткізілді.

А. Мамин Мемлекет басшысы Нұрсұлтан Назарбаевтың Алматы агломерациясын дамыту мәселесіне ерекше назар аударатынын айтып өтті.

Ақпарат көзі: strategy2050.kz

0
0
502

Е.Сағадиев: ҰБТ-да «Алтын белгіні» растау енді талап етілмейді

«Алтын белгіні» енді мектептің өзі беретін болады, ҰБТ-да «Алтын белгіні» растау талап етілмейді. Бұл жөнінде ҚР білім және ғылым министрі Ерлан Сағадиев ҚР Үкіметінің отырысы барысында хабарлады.

«ҰБТ форматы өзгереді, бұрын 5 пән бойынша 125 сұрақ болып, оның ішінде 4 пән бойынша 100 сұрақ қана ескерілсе, 2017 жылғы ҰБТ форматы бойынша 120 сұрақ болып, оның 120-сы да ескерілетін болады. Ең жоғарғы балл 140, себебі екі балдан жинауға болатын сұрақтар да бар», - деп хабарлады министр.

«Министрлік мұғалімдермен, білім саласы мамандарымен және ата-аналармен 30-дан астам кеңес өткізе отырып, ауқымды талдамалық жұмыс жүргізді. Осы жұмыстың нәтижесінде ҰБТ-ны екі кезеңге бөлу туралы шешім қабылданды. Қорытынды аттестаттау – мектепті бітіру емтиханы, ал ҰБТ – ЖОО-ға түсу емтиханы ретінде бөлек өткізілмек», - деп түсіндірді БҒМ басшысы.

Тестілеуді өткізу уақыты өзгерген жоқ және ол 3 сағат 30 минутты құрайды.

Ведомство басшысы атап өткендей, сұрақтар 5 пән бойынша болады, оның ішінде 3 – міндетті пән бойынша және 2 – талапкердің қандай мамандық бойынша оқуға түсетініне байланысты бейінді пән бойынша.

Бұдан бөлек, министр «Алтын белгіні» енді мектептердің өздері беретінін хабарлады.

«Алтын белгіні» енді мектептің өзі беретін болады, ҰБТ-да «Алтын белгіні» растау талап етілмейді», - деп мәлімдеді министр.

Жалғыз өзгеріс, бұрын сұрақтарды облыстық білім басқармалары дайындаса, енді екі пән бойынша тест сұрақтарын ұлттық тестілеу орталығы дайындайтын болады.

Еске сала кетейік, 2016 жылы ҰБТ 13-ші рет өткізілген болатын. 13 жыл ішінде бірыңғай тестілеуге 1,5 млн тастам қазақстандық оқушы қатысқан.

Ақпарат көзі: strategy2050.kz

0
0
447

Қазақстандық құқық иелеріне тауар белгісінің заңсыз қолданылуына байланысты өтемақы төленетін болады

Әділет министрлігі тауар белгілерінің құқық иелеріне тауар белгісінің заңсыз қолданылуына байланысты өтемақы алу үшін сотқа жүгіну құқығын беруді ұсынды. Бұл жөнінде ҚР әділет министрі Марат Бекетаев ҚР Үкіметінің отырысы барысында «ҚР кейбір заңнамалық актілеріне зияткерлік меншік саласындағы заңнаманы жетілдіру мәселелері бойынша өзгерістер мен толықтырулар енгізу туралы» заң жобасымен таныстыру барысында айтты.

Әділет министрлігі тауар белгісін тіркеу рәсімі, өнеркәсіптік меншік объектісіне патент беру сараптамалық ұйымда өтетін бір деңгейлі жүйе құруды ұсынады.

Министр атап өткендей, заң жобасының негізгі мақсаты – зияткерлік меншік саласындағы заңнаманы жетілдіру, тіркеу рәсімін оңайлату және құқық иелерінің мүдделерін қорғау. Заң жобасында 12 заңнамалық актіге, соның ішінде Азаматтық, Салық, Кәсіпкерлік кодекстеріне түзетулер енгізу болжанады.

Біріншіден, сараптамалық ұйымға зияткерлік меншік объектілеріне құқықтарды тіркеу жөніндегі өкілеттіктер беру арқылы зияткерлік меншік объектілерін тіркеудің бір деңгейлі жүйесін құру.

Екіншіден, тіркеу жөніндегі дауларды сотқа дейін қарау мүмкіндігін кеңейту.

Осыған орай, Апелляциялық кеңеске фирмалық атаулар мен тауар белгілерінің ұқсастығына қатысты, сондай-ақ тауар белгілерін агент атына тіркеу бойынша дауларды қарау жөніндегі қосымша өкілеттіктер беру ұсынылады.

Үшіншіден, заң жобасында тауар белгілерінің құқық иелеріне тауар белгісінің заңсыз қолданылуына байланысты өтемақы алу үшін сотқа жүгіну құқығын беру ұсынылады. Сонымен бірге, өтемақы тағайындау немесе іс жүзіндегі шығындарды өтеу туралы шешімді сот қабылдайды.

Төртіншіден, заң жобасында тауар белгілерін тіркеуге арналған өтінімдерді олар сараптамаға түскен сәттен бастап, яғни тіркеу туралы шешім қабылданғанға дейін жариялау ұсынылады. Бұл өтініш берушілер мен басқа тауар белгілерінің иелері немесе олардың агенттері арасындағы дауларды едәуір азайтуға мүмкіндік береді.

Бұдан бөлек, заң жобасында өнеркәсіптік меншік объектілеріне арналған лицензиялық шарттарды тіркеу тәртібін оңайлатуға бағытталған түзетулер ұсынылады.

Осы түзетулер әкімшілік кедергілерді жоюға мүмкіндік береді.

Ақпарат көзі: strategy2050.kz

0
0
571

Қазақстанда жолаушылар мен жүк таситын вагондар паркі жаңартылады

Қазақстанда 1100-ден астам жүк вагонын сатып алу үшін субсидия бөлінетін болды. Бұл отандық фитингтік платформалар паркін 15%-дан артық жоғарылатуға мүмкіндік береді, деп хабарлады ҚР Инвестициялар және даму министрлігі.

Министрлік 2016 жылы 11 қазанда вагондарды сатып алуды несиелеуге және оларды қаржыландыру лизингіне сыйақы мөлшерлемесін субсидиялауға құжаттар қабылдау басталғанын жариялады және үш ұйымнан жалпы соммасы 720 млн. теңгеге өтініш қабылданды.

Жоғарыда көрсетілген өтініштер бойынша арнайы құрылған комиссия шешімімен займ/қаржы лизингі шартының мерзімі аяқталғанға дейін вагондарды (контейнерлерді) сатып алуды несиелеу және қаржы лизингінде сыйақы мөлшерлемесін субсидиялау туралы шарт жасасу туралы шешім қабылданды.

Өндірістік циклде шамамен 7 мың адам тартылатын  қазақстандық өндірушінің жалпы 1132 фитингтік жүк платформасын (контейнерлерді тасымалдау үшін вагондар) сатып алуын субсидиялау жоспарланып отыр.

Сондай-ақ, әлеуметтік маңызы бар облысаралық қатынастар бойынша жолаушылар тасымалын қамтамасыз ету үшін 45 жолаушылар вагонын сатып алуды субсидиялау жоспарланып отыр.

«Биыл 7 қарашада әлеуметтік маңызы бар қатынастар бойынша жолаушыларды тасымалдаушылар мен операторлардың вагондарды (контейнерлерді) сатып алуын несиелеуге және оларды қаржыландыру лизингіне сыйақы мөлшерлемесін субсидиялауға құжаттарды қабылдау аяқталды», - делінген хабарламада.

«Қазақстан Республикасының кейбір заңнамалық актілеріне теміржол жолаушылар көлігі мәселелері бойынша өзгерістер мен толықтырулар енгізу туралы» Қазақстан Республикасы Заңының 2016 жылғы 9 сәуірде күшіне енуіне байланысты, министрлік вагондарды сатып алуды несиелеуге және оларды қаржыландыру лизингіне сыйақы мөлшерлемесін субсидиялауды бірінші рет жүзеге асырып отыр.

Еске сала кетейік, аталған шаралар теміржол вагондарын, соның ішінде отандық өндірушілерден сатып алу үшін қаржының қолжетімділігін қамтамасыз етуге бағытталған.

Ақпарат көзі: strategy2050.kz

0
0
459

2017 жылы өтетін Универсиадаға Чехия Республикасынан 127 делегат қатысады

Алматыда 2017 жылы өтетін Универсиадаға Чехия Республикасының 127 өкілі бар делегациясы қатысады, бұл жөнінде Алматы әкімі Бауыржан Байбектің Чехия Республикасының сыртқы істер министрі Любомир Заоралекпен және осы елдің өңірлік даму министрі Карла Шлехтовпен кездесуі барысында белгілі болды.

Алматы қаласы әкімдігінің ақпараты бойынша, тараптар сауда-экономикалық және мәдени-гуманитарлық байланыстарды одан әрі дамыту мәселелерін талқылады.

Кездесу барысында Алматы әкімі Алматы мен Чехия арасындағы сауда байланысы үстіміздегі жылдың 10 айы ішінде 76,3 млн. АҚШ долларына артқанын, мегаполисте біріккен 40 және чехтың капиталымен жұмыс істейтін 24 кәсіпорынның тіркелгендігін айтты.

Өзінің сөзінде Б.Байбек 2015 жылы Қазақстан әлемнің 35 елі үшін визасыз режимді енгізгенін, 2017 жылы оның 56 мемлекетке жететінін хабарлады.

«Алматы еліміздің барлық туристік қызметінің 60%-ын қамтамасыз етеді. Мұнда әлемдегі биік тау шатқалындағы «Медеу» мұз айдыны, маусымына 120 мың адам келетін «Шымбұлақ» тау шаңғысы курорты бар, әрбір екінші шетелдік турист Алматыға келеді. Өткен жылы Алматыда Чехияның 1,5 мың азаматы болды. Келер жылдың басында 28-ші Қысқы Универсиада өтеді, оған құрамында 127 адам бар Чехия делегациясы да қатысады, олардың 78 атлеттер», - деді Б.Байбек.

Чехия Республикасының сыртқы істер министрі Любомир Заоралек екі ел бизнесмендеренің түрлі салалар бойынша өзара байланыстарының артып келе жатқанын сөз етті.

«Биыл Қазақстан өз тәуелсіздігінің 25 жылдығын атап өтеді. Осы қысқа мерзім ішінде Қазақстанның зор елеулі табыстарға жеткені таңдандырады. Мемлекеттің экономикалық және саяси жағынан тұрақты болуы бизнес үшін өте маңызды. Сондықтан біз сіздермен ынтымақтастықты одан әрі нығайтуға ынталымыз», - деді Л.Заоралек.

Алматы әкімі қаланың чехиялықтармен сауда-экономикалық және инвестициялық ынтымақтастықты күшейтуге ынталы екендігін жеткізді.

«Алматы еліміз экономикасының бес бөлігін құрайды, бұл - бизнес пен шикізатсыз экономиканың жеке капиталы қаласы. Сервис пен сауда ЖӨӨ-нің 86%-ын құрайды, мұнда халықаралық ұйымдар мен трансұлттық компаниялардың 60-тан аса кеңсесі бар, банктер кеңселерінің 90%-ы да осында. Дүниежүзілік банктің «Doing Business» ретингінде Алматының көрсеткіші бойынша Қазақстан 35-орынды иеленді», - деді әкім.

Б.Байбек Чехия компанияларын импорт алмасуға қатысу үшін Алматыға шақырды.

Ақпарат көзі: strategy2050.kz

0
0
429

Мәжілісте мәслихаттардың қызметін жетілдіру мәселелері талқыланды

«Нұр Отан» партиясының Фракциясы жанындағы Өңірлік саясат және мәслихаттармен жұмыс жөніндегі кеңес Мәжіліс депутаты Серік Сейдумановтың төрағалығымен «Ұлт жоспарының мәслихаттардың қызметін жетілдіру жөніндегі шаралар бойынша 98-қадамын іске асыру туралы» мәселені қарастырды.

ҚР Парламенті Мәжілісінде хабарлағандай, отырыста сөз сөйлеген ұлттық экономика вице-министрі Роман Скляр «Қазақстан Республикасының кейбір заңнамалық актілеріне жергілікті өзін-өзі басқаруды дамыту мәселелері бойынша өзгерістер мен толықтырулар енгізу туралы» заң жобасы жөнінде баяндады.

Ол атап өткендей, Бюджет, Салық және Азаматтық кодекстеріне, «Мемлекеттік мүлік туралы», «Қазақстан Республикасындағы жергілікті мемлекеттік басқару және өзін-өзі басқару туралы», «Жарнама туралы» ҚР заңдарына өзгерістер мен толықтырулар енгізіледі.

ЖӨБ бюджетінің салық түсімдерінен және салықтық емес түсімдерден тұратын кіріс көздері анықталды.

Р.Склярдың хабарламасы бойынша, ЖӨБ бюджетін аудан мәслихаты бекітеді, ал ЖӨБ бюджетінің атқарылуы ауыл әкімінің аппаратына жүктеледі.

Заң жобасымен Азаматтық кодекске және «Мемлекеттік мүлік туралы» Заңына нормалар енгізіледі, олар ЖӨБ коммуналдық меншігі түсінігін, осы меншікті қалыптастыру және басқару тәртібі айқындалады.

Заң жобасымен «Қазақстан Республикасындағы жергілікті мемлекеттік басқару және өзін-өзі басқару туралы» Заңына аудан мәслихаттарына ЖӨБ бюджетін бекіту бойынша өкілеттіктер беру, ауыл әкімінің және оның аппаратының ЖӨБ бюджетін атқару және ЖӨБ коммуналдық мүлкін басқару бойынша өкілеттіктерін кеңейту бөлігінде өзгерістер мен толықтырулар енгізіледі.

Сондай-ақ отырыста Астана, Қарағанды қалалары, Алматы облысы мәслихаттарының депутаттары сөз сөйледі.

Талқылау қорытындылары бойынша отырысқа қатысушылар тиісті ұсынымдар қабылдады.

Ақпарат көзі: strategy2050.kz

0
0
540