Айжанка Жолдасбаева

Сәуірдің 15,16 және 17-ші жұлдыздарында әсем Алматының KIMEP университетінде болған Barcamp Central Asia 2011 конференциясы өте тамаша өтті. Конференцияны ұйымдастырушылар "жиынға осынша көп адам келеді" деп күтпедік дейді. Дегенмен, осы конференцияға келген әрбір қонақ сыйлықсыз кетпеді және өкінбеді деп анық айта аламын. BarCamp Central Asia 2011 конференциясында көптеген презентациялар өтті. Соның ішінде өзім тыңдаған жалғыз "қазақ тіліндегі презентация" minber.kz сайтының презентациясы болды. Асхат Еркінбай - жүргізген презентациясында өз ісінің нағыз маманы екенін тағы бір дәлелдеді деп ойлаймын. Жалпы, конференцияға барғаныма қатты қуанамын. Себебі: көптеген өзіме таныс емес дүниелерді білдім және өз шабытымды қамшыладым. Менің ойымша, конференция жоғары деңгейде өтті, маған ұнады.…

Қазақстанда аталмыш сала енді ғана қанат жайып келе жатқандықтан, оның не екенін көп адам біле бермейді. Сондықтан осы PR  жайлы аз ғана мағлұмат бергім келді.

«PR»  - сенім мен түсіністікті айқындай түсетін билік пен жалпы жұртшылық арасындағы байланыс. Ол билік пен қоғам арасында байланысты арттырып, түсінбестіктің болуына жол бермейді. Сонысымен бұл елімізге қажет мамандық болып табылады.

PR маманына қойылатын талаптар: жаза білу, кез-келген жағдайдан шыға алатын пысықтық, шыншылдық, идеяшылдық және төзімділік пен өз мамандығына деген қызығушылық.

26.01.2011 күні бізде блоггер Әсет Нұрпейісовпен кездесу өтті. Әсет блогты енді гана бастаган біздерге тәжірибелік ақыл-кеңестерін айтты.Сонымен қатар, oitobe.kz, malimetter.org және т.б. сайттар жайлы мәліметтер берді.