ЖҮРЕК
Жалғандықтан жаным жүдеп барады,
Сейілер ме сұр күннің суық самалы?
Ұнатқаның өзіңді де ұнатса,
Жүрек шіркін соны ғана қалады.
Айналаның айтқандарын ақтайсың,
Фитнес кезіп фигураңды сақтайсың.
Бір минуттық бақытыңа алданып,
Дос болсаң да, жоқ болсаң да жақпайсың.
Соңғы сәтте қалмаса да серігім,
Жалғыз қалып жүдесем де мен бүгін.
Арзан судан аздап алып қоямын,
Одан баска жұбатады мені кім?
Не күтемін аспанымның астында?
Кімді іздеймін марқұмдардың басында?
Жақсы еді ғой жақсылардың жанында,
Аппақ, адал, асылдардың қасында...
Бұл тірліктің талайынан түңілгем,
Оған куә жұмыр жүрек, жұмыр жер.
Жалғыз тілек Тәңірімнен сұраймын,
Өткеніме өкінбейтін ғұмыр бер!
(с) Амандық САҒЫНТАЙҰЛЫ





Сәлем, халқым! Мен облыстық қоғамдық-саяси "Атырау" газетінде экономикалық және әлеуметтік мәселелер бөлімінің тілшісі болып қызмет етемін. Назарларыңызға фотосуреттерімді ұсынамын. Тамашалай отырып, өз бағаларыңызды берерсіздер. Рахмет!
Сәлем, халқым! Мен облыстық қоғамдық-саяси "Атырау" газетінде экономикалық және әлеуметтік мәселелер бөлімінің тілшісі болып қызмет етемін. Назарларыңызға фотосуреттерімді ұсынамын. Тамашалай отырып, өз бағаларыңызды берерсіздер. Рахмет!