СҚО ПОЛИЦИЯ ҚЫЗМЕТКЕРЛЕРІ ХАЛЫҚТАН ЗАҢСЫЗ САҚТАУДАҒЫ 107 ҚАРУДЫ САТЫП АЛДЫ

"Тимирязев ауданының 33 жасар тұрғыны даладан табылған 16 калибрлі тегіс ұңғылы аңшы мылтығын полицейлерге тапсырып, акцияның соңғы қатысушысы атанбақ, - дейді СҚО ПД Әкімшілік полиция басқармасының бастығы полиция подполковнигі Жасұлан Оспанов. - Қару барлық қажетті сараптамалардан кейін екінші санат бойынша бағаланса (бұрын қолданыста болған тегіс ұңғылы ұзын ұңғылы қару), оған 53 025 теңге төленеді – бұл облыста бөлінген 6 млн. теңгеге шақталған акция бюджетін толығымен жабады".

3 айдың ішінде 5 миллион 900 мың теңгеден астам қаражат игерілді. Енді атыс қаруының 107 бірлігі, оның ішінде 13 ойық қару және 1 травматикалық тапанша Солтүстік Қазақстандықтардың қауіпсіздігіне қауіп төндірмейді. Сондай-ақ халықтан 700-ге жуық патрон сатып алынды.

СҚО ПД баспасөз қызметі