АЙДЫНДАҒЫ АҚҚУ

Сөзін жазған С. Баязитов

1. Ақ қанатты аққулар,

Аспан сәні секілді.

Әсемдіктің айдынға,

Қонақтаған өкілі.

Қайырмасы:

Ақ айдынның төсінде,

Ерке жүзген ертемен.

Қанатыңды жайғанда,

Неткен әсем, көркем ең.

2. Балапандар қасында,

Жырақ кетпей жүр жүзіп.

Су сабалап сәт сайын,

Солар асыр бір қызық.

Қайырмасы:

Ақ айдынның төсінде,

Ерке жүзген ертемен.

Қанатыңды жайғанда,

Неткен әсем, көркем ең.