Террорлық актілер кезіндегі не істейміз?!

Yernar Seitachmet 2016 M07 18
472
0
4
0

Ақтөбедегі, Алматыдағы жағдайлардан соң террорлық әрекет кезінде қалай қимылдау керектігі жайлы ақпарат кең таратылған жоқ. Сондықтан, өзімнің ой-түйгендеріммен бөліскенді жөн көрдім.

Ақтөбе. Енді міне Алматы. Еліміздегі "белгісіз" күштер мемлекеттік тәуелсіздігіне қарсы үлкен іс-әрекеттер жасап жатыр. Бауырларымызды өмірден айырып, ағаларымызды мүгедек қылдыруда. Ақпараттық әлемде тағы да жеңілудеміз. Осындай жағдайларда көп адам не қыларын білмей жатыр. Әрбір қазақ білсін деп өз ой-түйгенімді жазуды жөн көрдім.

Сонымен, төтенше жағдай кезінде не істеуіміз керек?!

1. Құзыретті органдарды хабарландыру - егер де жақын жерде автомат кезегінің дауысын, жарылыс я басқа да дыбыстарды естісеңіз видеоға түсіруден, фото жасаудан бас тартыңыз - бірден құзыретті органдарды хабардар етіңіз. Әлеужелі пайда болғаннан соң халық суреттерді елден бұрын таратуға құштар болатыны өкінішті. Алайда, суретке түсіремін деп оққа түсіп қалуыңыз мүмкін.

2. Ешқайда шықпаңыз - егер де тиісті нұсқаулықтар түспесе, үйіңізден шықпаңыз. Үрейге беріліп, аяқтың астында қалған азаматтар жайлы Үндістаннан, АҚШ-тан, Меккеден бірнеше рет суыт хабар естіген едік. Олардың қатарында атпалдай азаматтар мен буыны қатаймаған сәбилер бар еді. Халықтың қыспағынан Сізді салмағыңыз да құтқармайды. Басқарылмайтын адамдар қозғалысы сіздің "арқаңызда" да пайда болуы мүмкін. Егер де адамдар ағынына тап болсаңыз ағынға қарсы жүрмеуге тырысыңыз, себебі, әрбір іс-қимыл сізді аяқтан шалуы мүмкін.

3. Ақпараттан сақтану - иә, өкініштісі сол, ақпараттық кеңістікте үлкен жеңіліс тауып жатырмыз. Террористердің ең бірінші мақсаты - халық арасына үрей тудыру, ал әлеуметтік желілердің пайда болуымен ол мақсаттарын орындау он минуттық жер. Сондықтан да, WhatsApp арқылы келген хаттарды, видеолар мен фотоларға сенбеңіз, және ешкімге таратпаңыз. Бұл ақпараттардың көбі белгісіз адамдардан және ресми емес ақпарат. Не үшін таратылатынын білесіздер. Осы орайда, Ақтөбедегі видеоны еске түсіріңіз. Жақын шетел ақпарат құралдарынан да сақтанған абзал.

4. Ресми емес ақпаратты таратпау - Алматыдағы қайтыс болған азаматтардың оқиға орнынан фотолары фэйсбукке Қ. Құдайбергенов есімді азамат салып, халықты дүрліктірген болатын, кейін, көпшіліктің қалауымен өшірді. Енді сұрақ: не үшін салады?! Салғаннан не ұтады?! Риторикалық сұрақ, тіпті ойланып көрсек, практикалық пайдасын табу мүмкін емес. Мерт болған мәрт азаматтарға құрметсіздіктің үлкен белгісі, олардың туған-туысқандарына құзырлы органдардан бұрын ақпаратты жеңгізуге кім рұқсат бергені белгісіз тағы да. Айтпағым, барынша, ресми дәлелденбеген ақпаратты таратпауға тырысыңыз. "Лайкқұмар" нәпсіңізді санаңыз бен сабырыңыз тыя алатынына сенемін. Сонымен қатар, Сіздің салған ақпараттарыңыз арқылы террористер полицейлер туралы ақпарат ала алатының есте ұстағайсыз.

5. Жақындарыңызбен хабарласыңыз - оқиға орнындағы туысқандарыңыздың қал-жағдайын біліңіз. Иә, бұл оларды тыныштандырады, өзіңізді де сабырға шақырасыз.

6. Сіз супермен емессіз - адамдарға көмектесу - игі іс, алайда, өз басыңызға қауіп төнген жағдайда "супермен" атануға асықпаңыз. Ниццадағы теракт кезінде алғаш болып оққа ұшқандар көлік астында қалғандарды құтқарамын дегендер. Егер де басыңызға қауіп төнсе өмірден өткен азаматқа көмек қолын созуға асықпаңыз. Иә, бұл пунктіні жазу маған оңайға соқпады, алайда, Сіз супермен емессіз...

7. Эвакуацияға дайындалыңыз - кез-келген уақытта эвакуациялау процессі іске асуы мүмкін. Құжаттарыңызды қолыңызға алыңыз, мүмкіндігінше спорттық киім киіп, жылы киімді де ұмытпағайсыз. Алайда, шұғыл жағдайда оны да ойламаңыз. Қолына түскенді киіп жүре беріңіздерші, өтініш, ақшаңыз да, алтыныңыз да қайтарылады, денсаулық болса, сондықтан, дүниеңіз үшін жанталасып керек емес.

8. Мемлекеттік қызметкерлердің жұмысына кедергі келтірмеңіз - қанша жерден ата-құрғыр жауыңыз болсын, қанша жерден коррупционер, оңбаған-сүмелек болсын, қанша жерден иттің баласы болсын иә жеріңізді сатсын, төтенше жағдайда жалғыз сүйенеріңіз - мемлекет қызметкерлері, құқық қорғау органдары мен дәрігерлер. Суға салса бататын Сіз, олар құтқарады, от шықса жанатын сіз - олар жансыз, оқ астында қалсаңыз - қалқаныңыз солар. Өтінемін, кедергі келтірмеңіздерші.

 

Бүгінде терроризм де құнсызданып барады. Ешбір қалауы жоқ, талаптары жоқ. Қалған жалғыз мақсаты - үрей тудыру. Ол үрей біздер мен Сіздердің таратқан ақпаратымыздың арқасында күшейе түседі.

Бұл тек менің түйгендерім ғана. Сіздер де астына білімдеріңізбен бөлісе жүріңіздер! 
Келесі сілтемелерді оқу міндетті:

Как действовать при террористических актах

 

 

Мені әлеуметтік желілерде  таба аласыз:

Facebooke

Twitter

Instagram

 

суреттер canva.com сайты арқылы жасалған.

Оцените пост

4
Дальше