Риддер қаласының жергілікті полиция қызметінің полицейлері қайғылы оқиғаның алдын алды

Полиция ВКО 2016 M03 3
102
0
0
0

1 наурыз күні түнгі сағат 11-де Риддер қаласы полиция бөлімінің кезекші бөліміне 5-шағын ауданда орналасқан құрылысы аяқталмаған тоғыс қабатты үйдің шатырына әйел адам шығып алып, секіріп түспекші...

1 наурыз күні түнгі сағат 11-де Риддер қаласы полиция бөлімінің кезекші бөліміне 5-шағын ауданда орналасқан құрылысы аяқталмаған тоғыс қабатты үйдің шатырына әйел адам шығып алып, секіріп түспекші делінген ақпарат түсті.

Оқиға орнына дереу сол аумақта қызмет өткеріп жүрген жергілікті полиция қызметінің патрульдік экипажы жіберілді.

Орынға келген полиция капитаны Сымбат Қарақұлов пен полиция сержанты Болат Нұрбеков қараңғыда басқышқа қалта шамымен жарық түсіріп тоғыз қабатты үйдің төбесіне шығады.

Сымбат Қарақұловтың айтуынша әріптесімен оқиға орнына келген бойда, әйел адамның өмірін сақтап қалу үшін олар асыға көп қабатты үйдің шатырына шығады. Қалта шамадарын қосып оны іздей бастайды. Бірнеше минуттан кейін полицейлер жан түршігерлік көрініске куә болады – үй бұрышының шетінде аяқтарын жерге қаратып әйел отырады.

Абайлап әйелге жақындап келген полицейлер одан жанкешті қадам жасамауды сұрайды. Оған жақындау да оңай болған жоқ, төбедегі еріген қар мұзға айналған, ал әйел мұз төмпешіктің арғы жағында отырған. Полиция капитаны Қарақұлов шатырдың шетінде қарай қадамдар жасап жақындай береді, ал полиция сержанты Нұрбеков оны иық жағынан ұстап, демеп тұрады. Өзін-өзі өлтірмек болған әйел олар тағы жақындаса, секіретінін айтады.

Одан күйеуінің телефон нөмірін біліп алып, Сымбат Қарақұлов өз телефонымен қоңырау шалады да әйелдің қасына тұтқаны қояды. Бірақ ол үзілді-кесілді сөйлесуден бас тартады. Күйеуімен ұрыс-керістен кейін өмірін қиюға шешім қабылдағанын айтады. Әйелді тыныштандырып, полицейлер оның ағасынның телефон нөмірін біліп алып қоңырау шалады. Қате әрекет жасамауға көндірген туысына ол ойынан таймайтынын айтады.

Осы мезетте полиция қызметкері әйелді күрткесінің жағасынан ұстап шатырдың шетінен тартып алады.

Полицейлер өлімнен құтқарылған әйелді дәрігерлерге тапсырды. Қазір ол дәрігерлер мен психологтардың бақылауында.

Жол-патурльдік полицейлердің епті әрекеттерінің арқасында 35 жасар әйелдің өмірі аман қалды.

Қалыптасқан жағдайда көрсеткен кәсіби әрекеттері үшін Риддер қаласы жергілікті полиция қызметінің екі қызметкері ШҚО ІІД-ге көтермелеуге ұсынылды.

 

ШҚО ІІД баспасөз қызметі

Оцените пост

0
Дальше