«Жемқорлық індет, жою міндет» тақырыбындағы тәрбие сағаты

Биржан Хайруллин 2015-10-17 01:24
7722
0
25
0

2015 жылдың 14 қазанында Круглоозерный орта жалпы білім беретін мектебінде Департамент өкілі, мектеп басшылығының қатысуымен «Жемқорлық індет, жою міндет» тақырыбында тәрбие сағаты өтті. Мақсаты –...

2015 жылдың 14 қазанында Круглоозерный орта жалпы білім беретін мектебінде Департамент өкілі, мектеп басшылығының қатысуымен «Жемқорлық індет, жою міндет» тақырыбында тәрбие сағаты өтті.

Мақсаты – құқықтық және ақпараттық мәдениетті қалыптастыру, еңбек дағдыларын және дүниетанымдарын кеңейту.

Тәрбие сағаты оқушылардың Әдеп, Әділет, Ар-намыс топтарына бөлінуімен басталып, көңіл ашар сәтіндегі «Отырғыш» ойынымен жалғасты. Ойын шарты бойынша әуен тоқтаған кезде балалар отырғыштарға отырып қалу керек. Әуен тоқтап қалды, бір оқушыға отырғыш жетпеді. Алайда, ол ойынды жалғастыра берді. Түсінбеушілік? Ойын әрі қарай жалғасып, өзге оқушылар бір-бірлеп ойын шыға бастады. Аталған оқушы жеңімпаз атанды. Ойын ережесі әдейі бұзылды. Мұғалім ойында неліктен түсінбеушілік орнағанын сұрап, оқушыларды талқылауға шақырды. Оқушылар өз ойларын жарыса айтып, ол жерде әділетсіздіктің орын алғанын баяндады. Одан әрі мұғалім «құқықбұзушылық», «коррупция» туралы түсініктер берді.

Топтық тапсырманы сахналауда әр топқа жағдаяттар берілді. Әр топ берілген тапсырма бойынша көрініс қойды. Көрініс сахналанғаннан кейін, қалған топтар оны талқылады. Әр жағдаятта құқықбұзушылық, адам құқығы, тәрбие мәселелері бойынша көріністер берілген.

Тәрбие сағатында Қазақстан Республикасының мемлекеттік қызмет істері және сыбайлас жемқорлыққа қарсы іс-қимыл Агенттігінің Батыс Қазақстан облысы бойынша департаментінде консультанты Б.Хайруллин оқушыларды «Сыйлық және оның түрлері» тақырыбында ақпараттандырды.

 

 

Оцените пост

25