Моңғолия қазақтары Джимми Нельсон көзімен

Алия 2013 M10 7
4629
4
15
0

Ағылшын фоторафы Джимми Нельсон әлемнің көне мәдениеттерімен жақынырақ танысып, халықтардың тұрмыс-тіршілігін, салт-дәстүрлерін әлемге әйгілі ету мақсатында Before They Pass Away жобасын бастаған.

Ағылшын фоторафы Джимми Нельсон әлемнің көне мәдениеттерімен жақынырақ танысып, халықтардың тұрмыс-тіршілігін, салт-дәстүрлерін әлемге әйгілі ету мақсатында Before They Pass Away жобасын бастаған. Бұл жоба аясында фотосуретші Эфиопия, Индонезия, Кения, Намибия, Непал, Сібірге саяхат жасаған. Моңғолияның Баян-Өлгей ауданындағы қазақтары да Нельсон назарынан тыс қалмапты. Жобаның нәтижесі болған 10 суретті «Екпіннен» тамашалаңыздар.

"Қазақ дәстүрлерінің арасындағы ең көнелерінің бірі – бүркітшілік. Екі ғасырдан астам уақыт қазақ ерлері бүркітпен аң аулауға шыққан. Қоян, түлкі, тіпті қасқыр сияқты тау мен дала жануарларының қазақтар үшін терісі құнды болған"

"Қазақтар арасында ауызша тарих кең тараған. Әр қазақ азаматы өз ата-тегін жеті атасына дейін білуі міндет"

"Қазақтардың ата-бабаларына ислам діні XVIII ғасырда келді. Қазақтардың көбі мұсылман болғанымен, исламға дейінгі көк, аруақ, от пен тылсым күштерге деген сенімін әлі де жоғалтпаған. Қазақтар әлі күнге дейін тұмар тағып келеді, оның мақсаты – адамды жамандықтан қорғау"

"1930 жылға дейін көшпенділер қазіргі Қазақстан, Моңғолия және Қытайдың Шыңжаң провинциясы аумағында емін-еркін көшіп жүрді. 1924 жылы Моңғол Халық Республикасы құрылғандықтан, олардың көбі көшпелі өмірді тастап, Моңғолияның батысындағы тауларды мекен ете бастады"

"Қазанның ортасында өтетін бүркітшілер фестивалі аң аулау маусымын бастайды. Бұл шара үздік аңшылардың басын қосып, қауымдастықты нығайта түседі. Қазақтар сәнді киініп, әйелдер ақ жаулық жамылады, ерлер түлкі терісінен тігілген бас киім киеді. Қазақтардың мәдениеті моңғол мәдениетінен ерекше: тіпті қазақтардың ертоқымдары да басқа пішіндес келеді"

"Қазақтар жартылай көшпелі, мал шаруашылығымен айналысатын халық. Ірі отбасылар жылына бірнеше рет мекендерін ауыстырады, ал кішігірім отбасылар киіз үй тұрғызса да, жазда қыстауына жақын жүреді"

"Таулы, оқшауланған аумақтағы қазақтардың көбі үй жануарлары арқылы күн көреді. ХІХ ғасырдан бастап олар батыс Моңғолия таулары мен далаларын мекендеген. Бұл аумақта биіктігі 3 000 метрден 4 000 метрге дейін жететін шыңдар көп кездеседі. Баян-Өлгей ауданындағы қазақтар бүгінгі күні 87 000 адамды немесе аудан халқының 88,7% құрайды. Бүкіл ел бойынша қазақтардың үлесі 4% құрайды (шамамен 110 000 адам)"

"Қазақтардың басым бөлігі ұлттық аспапта ойнауды аса шеберлікпен меңгерген. Екі ішекті домбыра мен қылмен ойналатын қобыз туралы көне тарихи құжаттарда да айтылған"

"Моңғолия қазақтары (олардың Қазақстан, Өзбекстан, Қытай және Ресейдегі қандастары секілді) Орталық Азияның солтүстік аумағынан келген түркі халқы. Олар Сібір мен Қара теңіз арасындағы аумақты мекендеген түркі, моңғол, үнді-иран тайпалары мен ғұндардың ұрпағы"


"Моңғолиядағы қазақтар этникалық азшылықтар арасындағы ең ірісі болып саналады және олардың басым бөлігі моңғол тілінде «Бай өлке» дегенді білдіретін Баян-Өлгей ауданында тұрады"

Джимми Нельсонның басқа жұмыстарын мына жерден көре аласыздар.

Материалды дайындаған: Айжан Байтанова

Оцените пост

15

Комментарии

1
Керемет. Қазақтың баласы жүрген жер табиғатпен бірлескен үндестікті туындатары анық. Бай Өлке адам баласынан зардап көрмеген бірден-бір таза өлкеге ұқсайды.
1
19-ші ғасырдан репортаж
0
XXI - ғасыр Атырау мен Ақтауда болар. Мұнай шықты деп табиғатты қырғынға ұшыратып жатқан "сүйікті" батыс компаниялары мен өзіміздің тепсе темір үзетін қазақтар.
0
керемет суреттер
Показать комментарии