«Астана» баскетбол командасының таныстырылымы өтті

Kazsport agent 2013 M09 30
430
0
1
0

Бүгін елордада «Астана» баскетбол клубының жаңа маусымының таныстырылымы өтті, деп хабарлады Sports.kz. «Самұрық-Қазына» ұлттық әл-ауқат қорының қолдауымен ұйымдастырылған, биыл «Астана»...


Бүгін елордада «Астана» баскетбол клубының жаңа маусымының таныстырылымы өтті, деп хабарлады Sports.kz.

«Самұрық-Қазына» ұлттық әл-ауқат қорының қолдауымен ұйымдастырылған, биыл «Астана» Президенттік кәсіби спорт клубының құрылымына кірген команда өзінің тарихындағы үшінші баскетбол жылына кірісуге әзірленуде.

Кездесуге көптеген жанкүйерлер, спортшылар, журналистер қатысты. Баспасөз мәслихатында елордалық клуб өкілдері жаңа маусымда ВТБ Бірыңғай Лигасында және басқа турнирлерде астаналық командадан жанкүйерлер не күте алатыны туралы әңгімеледі.

«Самұрық-Қазына» қоры табысты спорттық жобаларды әрдайым да қолдап отыратын болады. Биылғы жылы «Астана» баскетбол командасы «Астана» Президенттік кәсіби спорт клубының құрамына кірді, енде таяудағы болашақта бұл жоба да біздің велокоманда сияқты Қазақстанның бренді болады деп сенемін», — деді «Самұрық-Қазына» ҰӘҚ басқарушы директоры Дархан Кәлетаев.

«Біз 14 қазанда жаңа маусымды ашамыз. Алдағы маусым туралы айтар болсам, біздің команда үшін жеребе тарту жақсы өтті. Биылғы жылы біздің қарсыластарымыз алты жаңа команда болады, олар Қазақстанда әлі болған жоқ. Олардың арасында мәселен, ЦСКА, ВЭФ, «Летувос Ритас», «Волоград» командалары бар». Биылғы жылы біз «Астана» Президенттік кәсіби спорт клубының құрамына кірдік, өткен маусымда ВТБ Бірыңғай Лигасының плей-офф қатарына өттік, енді біз бұдан да жоғары межені көздейміз», - деді «Астана» баскетбол клубының бас директоры Валерий Тихоненко.

Команданың бас жаттықтырушысы Маттео Боничилолли «алдымызда жұмыстар жетерлік, бізді күрделі маусым күтіп тұр. Мен бір нәрсеге сенімдімін — ол: біздің қазіргі құрамымыз соңғы жылдардағы ең күшті деп айта аламын. Біз Қазақстанды жаңа жеңістерімізбен қуантатын боламыз», -деген пікірін білдірді.

 

Оцените пост

1