2013 жылдың 4 сәуірінде Қазақстанда ақбөкендердің бетпақдалалық, оралдық, үстірттік популяцияларының санын әуеден есептеу науқаны басталды.
Бұл шара ҚР қоршаған ортаны қорғау Министрлігінің орман және аңшылық шаруашылығы Комитетіне қарасты «Охотзоопром» ӨБ» РМКК өткізеді.
Есептеу науқанына Орман және аңшылық шаруашылығы комитеті мен «Охотзоопром» ӨБ» РМКК-ның қызметкерлерімен бірге ҚР Білім және ғылым Министрлігінің зоология институты, жануарлар әлемінің ғылыми-зерттеу институты және «Қазақстанның биологиялық алуантүрлілігін сақтау ассоциациясы» республикалық қоғамдық бірлестігінің өкілдері қатысады.