Қазақстан Қорғаныс министрі Латвия елшісімен кездесті

МО РК 2013 M02 27
380
0
0
0

Қазақстан Қорғаныс министрі Латвия елшісімен кездесті Бүгін Астанада Қазақстан Республикасының Қорғаныс министрі Әділбек Жақсыбековтің Латвия Республикасының Қазақстан Республикасындағы Төтенше...


Астанада Қазақстан Республикасының Қорғаныс министрі Әділбек Жақсыбековтің Латвия Республикасының Қазақстан Республикасындағы Төтенше және Өкілетті Елшісі Юрис Маклаковспен Латвия Елшілігінің НАТО-ның Қазақстандағы байланыс елшілігі функцияларын қабылдауына орай кездесуі болып өтті.

Тараптар «Бейбітшілік үшін серіктестік» бағдарламасы шеңберіндегі екі жақты ынтымақтастықтың келешегі жайлы талқылады. Әсіресе Қазақстан Қарулы Күштерінің бітімгерлік әлеуетінің дамуына баса назар аударылды.Қазақстан Қорғаныс министрлігінің «Бейбітшілік үшін серіктестік» бағдарламасы шеңберінде НАТО-мен ынтымақтастығы бейбітшілікті қолдау жөніндегі бірлескен жаттығуларға қатысу және оны жоспарлауда тәжірибе алмасу, операцияларды өткізу мен оны жан-жақты қамтамасыз ету арқылы ұлттық бітімгерлік әлеуеттің дамуына бағытталған.

НАТО-ның байланыс елшілігі НАТО-ның дипломатиялық өкілділігі болып саналмайды, бірақ Солтүстікатлантикалық одақ жайында, оның міндеттері мен саясатының бағыты туралы ақпарат таратуда маңызды роль атқарады. Байланыс елшілігі сондай-ақ елге Бас хатшының, Халықаралық хатшылықтың және басқа да НАТО өкілдерінің іс сапарларын ұйымдастыруға көмектеседі.Жыл сайын Қазақстан территориясында қазақстандық әскери қызметшілер мен шетелдік мемлекеттер өкілдерінің қатысуымен Қазақстанның НАТО-мен серіктестігі іс қимылдары жеке жоспары шеңберінде «Дала қыраны» бітімгерлік жаттығуы өткізіледі.

2012 жылғы қыркүйекте бірінші рет «Бейбітшілік үшін серіктестік» шеңберінде жаттығу өтіп, оған Қазақстан Қарулы Күштерінің, АҚШ, Ұлыбритания, Тәжікстан бөлімшелері, сондай-ақ Германия, Италия, Литва, Қырғызстан, Тәжікстан, Франция, Украина, Швейцария өкілдері қатысты.Қазақстан әскери қызметшілерін НАТО әдістемелері мен стандарттарына сай оқытып-үйрету үшін Құрлық әскерлерінің Әскери институтында (КАЗЦЕНТ) «Бейбітшілік үшін серіктестік» Оқу орталығы құрылды.

2008 жылы КАЗЦЕНТ Серіктестіктің 19-ыншы  оқу-ағарту орталығы болып танылды.КАЗЦЕНТ базасында Қазақстан әскери қызметшілерінің, НАТО елдері серіктестерінің қатысуымен 30-дан астам курстар пен семинарлар өткізілді, мысалға «Көп ұлтты операцияларда ағылшын тілінің әскери терминологиясы» және «НАТО-ның штабтық рәсімдері» атты курстар. 2012 жылы НАТО Халықаралық штабының, НАТО мектебі, Альянс елдері мен серіктестері, сондай-ақ Корей Республикасы Қорғаныс министрлігі өкілдерінің қатысуымен «Орталық Азия және Ауғанстанмен танысу» атты курсы табысты жүргізілді.

 

ҚР ҚМ Баспасөз қызметі

 

Оцените пост

0
Дальше