"Жас арыстандар" жарнама фестиваліне қатысыңыз

2426
9
0
4

Кеше «Канн арыстандары» атты жарнама фестивалінің Қазақстандағы ресми өкілдігінің ашылуына байланысты Алматыда кішігірім шара өтті.

Кеше «Канн арыстандары» атты жарнама фестивалінің Қазақстандағы ресми өкілдігінің ашылуына байланысты Алматыда кішігірім шара өтті. Белсенді жастар мен креативті адамдардың жиылған ортасын «Екпін» сырт айналып кете алмады.

2012 жылғы бұл фестиваль аясында елімізде алғаш рет «Жас арыстандар» (немесе “Young Lions”) атты жарнама, маркетинг, маркетингтік коммуникациялар саласында жұмыс жасайтын жас мамандарға арналған байқау өтпек. Он жеңімпазға Apple iPad сияқты сыйлар дайындалған. Ал гран-при жеңімпазы маусым айының 17-23 күндері Францияның Канн қаласында өтетін фестивальге бару мүмкіндігіне ие болады.

Кештің ресми бөлімін «Жас арыстандар» байқауының ұйымдастырушысы Асхат Өскембаев бастады:

«Сонымен байқауға қатысу үшін:
- жасыңыз 28де немесе одан кіші болу керек;
- ҚР азаматы болуыңыз керек;
- ағылшын тілін жетік білуіңіз шарт;
- сондай-ақ жарнама немесе байланыс саласында тәжірибеңіз болған жөн.

Байқау 5 категорияны қамтиды: Film, Cyber, Print, Media, Client. Осының тек біреуін таңдап алып, екі адамнан құралған командамен 21-ші наурызға дейін тіркеуден өту қажет».

Шарттардан соң 15 адамнан тұратын байқаудың қазылар алқасы таныстырылды. Оның ішінде өз елімізбен қатар Ресей, Израиль, Украина, т.б. елдердің жарнама мамандары болды.

Қазылар алқасынан: таңдау барысында жоғарғы бағаға лайық болу үшін не қажет? - деп сұрағанымызда, Руслан Туганов:

“Мен үшін ең бастысы – идея. Өйткені қатысушыларға толыққанды жарнама кампаниясын құруға тек 24 сағат беріледі. Сондықтан, бастысы - орындау мәнері емес, жүректерді баурайтын идеяның бар болуы. Ал техника орташа не төмен болуы мүмкін, яғни екінші планда. Адамда жақсы идея болса, оны ары қарай алып кету оңайырақ болады”.

Ал басты ұйымдастырушы, жарнама нарығында 15 жыл бойы жұмыс істеген, еліміздегі жарнама саласының қыр-сырын жетік білетін Асхат Өскембаев:

“Кез келген жарнама маманы үшін «Канн арыстандары» фестивалі әлем бойынша ең беделді болып саналады. Сондықтан да Қазақстанда бұл фестивальдің өкілдігі болмағаны мені көптен бері мазалап келді. Оның ұйымдастырушылары да бұл ойымды құп көріп, біраз мәселелерді талқылағаннан соң, өкілдікті ашуға шешім қабылдады. Менің алға қойған басты мақсатым – еліміздегі жарнама саласында жүрген жас дарындарды үлкен аренаға шығару. Қазақстанды әлемдік жарнама нарығына алып келу. Ең болмағанда, бұл байқау арқылы дарынды жас мамандарды ірі компаниялар байқап, жұмысқа алып жатса да, қуанар едім. Негізінде, отандық жарнама өнермен деңгейлес болғанды қалаймын. Жарнамада өз жұлдыздарымыз болса екен ғой деймін".

Қазақстан «Канн арыстандарына» бұған дейін қатысып көрді ме? - деген сұрағымызға Асхат былай деп жауап берді:

“1999 жылы бір жұмысымызды өткіздік. Одан кейін еліміз бұл байқауға қатысқан емес. Қазақстандық жарнамашылардың көбісі не өз күштеріне сенбейді, не мұндай фестивальдерге салғырт қарайды. Ал бұл дұрыс емес. Өйткені осындай шараларға қатысып, тек қана бір аумақпен емес, бүкіл әлеммен иық тіресесің”.

Шараға қатысқан Айжан Кәрібаева

мен Жансая Имандосова

Ad

Rate post

4

Comments

Login to comment