@anatili мен @Aliya_ocean азаттығымызды ұмыттырды

Тимур Бектұр 2011 M08 24
856
7
0
0

Өздеріңізге белгілі, twitter есімді микроблог ортасында @anatili аккаунты қазақ тілін өркендету мақсатында аптаның әр сәрсенбісін "Қазақи күн" деп жариялады. Әуел баста бірі жақтады, бірі даттады...

Өздеріңізге белгілі, twitter есімді микроблог ортасында @anatili аккаунты қазақ тілін өркендету мақсатында аптаның әр сәрсенбісін "Қазақи күн" деп жариялады. Әуел баста бірі жақтады, бірі даттады дегендей... Әрине, онсыз да тілім-тілім тіліңді жандандыра алмай жүргенде мұндай бастаңғыға "Құп" дедік. #kzday деген ілмек те жарық көрді. Әшейінде орысша безілдейтін талайлардың әр сәрсенбі сайын қазақша да тәуір жазып, сөйлей алатындарына көзайым болып, кәдімгідей қуанып қалдық. Өйткені, өзіміз үшін тек сәрсенбі емес, аптаның әр күні #kzday.

Қазақта тәп-тәуір мақал бар. (Қазақта тәуір мақал көп негізі...) Соның бірі: "Мақтаған қыз тойда оc..ады" деп келеді. "Не боп қалды тағы?" дейсіздер ғой? Болғаны сол, кешегі сәрсенбіде @anatili жаңа бастама көтеріп, #kzday ілмегіне төрттаған құрастырғандарға Иса Байзақовтың "Құралай сұлу" өлеңдер жинағын уәде етті.


 

Алайда сөйлегіштер мен ақындардың дені еңбек демалысында жүрді ме әйтеуір бел шешіп кіріскендердің қарасы көп бола қойған жоқ. Сол азшылықтың бірі @Aliya_ocean деп аталатын қара көз қарындасымыз:

деп салмасы бар ма... "Бұ қалай болғаны?.."

деген таңданысымызға қарамастан @anatili жарыстың қорытындысын жариялап, @Aliya_ocean-ды жеңімпаз етті:

Аң-таңбыз... Не боп кетті өзі? "Азаттығы ұмытылған ұлт болып" деген не сөз? "Азаттығымызды алдық, өз елімізге өзіміз қожайынбыз, тәуелсіздіктің 20 жылдығына қадам бастық..." деп қалпағымызды аспанға атып жатқанда, "азаттығымыз ұмытылғаны" қалай? Бұл сұраққа жауапты сіз бермесеңіз, мен түк түсіне алар емеспін...

Пысы: айтып кетейінші, көмейімді Иса Байзақовтың өлеңдер жинағы тесіп бара жатқан ештеңесі жоқ...

 

Оцените пост

0

Комментарии

0

Дұрыс қой бәрі :)
0
:) Сіз шынымен дәл солай ойлайсыз ба?..
0
Шынында, ешқандай сайыс жарыс-ұйымдастыру ойда болмаған. Cіздің ескертуіңіз өте орынды. Қателік - @Aliya_ocean оқырманымыздың тек бір ғана өлеңін байқадық. Ескертуіңізден кейін екінші өлеңін оқып, аң-таң болдық. Шынында, өте жағымсыз жолдары бар өлең екен. Адам болғасын қателік те болады. Яғни, бір қателік үшін @anatili қолдап жүрген құндылықтарды қарапайым оқырман дұрыс түсінбеуі мүмкін.
@anatili мақсаты: өз күшімізбен қазақ тілін дамыту үшін қолдан келгенше көмек. Тіл тағдырына бос қарап отыра алмай, орындалған бастама. Бірақ блогтағы жазбаларыңызда біздің құндылықтарымызға қайшы келетін жерлері бар. Түзетіп қойсаңыз, бір ғанибет болар еді. :)
Ал сізге қазақ тілі үшін жанашырлық білдіргеніңіз үшін көп рақмет. Сіз бен біздей жандар көп болғай! :)
0
Аса Құрметті менің Ана тілім:)

1) "Шынында, ешқандай сайыс жарыс-ұйымдастыру ойда болмаған" - ұйымдастырғанның еш айыбы жоқ
2) "Адам болғасын қателік те болады" - әрине. Мәселе қателікте емес, одан шыққан нәтижеде:) Пендеміз ғо:)
3)@anatili мақсатын қолдамасақ, қарсы болмаспыз, тек тілегіміз, артық қыламын деп тыртық қылмасаңыздар болғаны:)
4)"Бірақ блогтағы жазбаларыңызда біздің құндылықтарымызға қайшы келетін жерлері бар" - болса атап көрсетіңіз. Ана тілімнің қүндылығы мен менің құндылығым бір болмаса, бөлек болмасы анық. Барлығы интерпретация ғой:) тек маған "Ана тілі менің ғана тілім" демесіңіз анық. Ендеше, ол тілде біздің де үлесіміз бар емес пе? Демек, "сіздің құндылық", "бізідң құндылық" деген сөз тіркестері артықтау негізі:)
5) "Ал сізге қазақ тілі үшін жанашырлық білдіргеніңіз үшін көп рақмет" - Ал сізге қазақ тілін дамыту үшін әрекет етіп жатқандарыңызға көп рақмет:)
6) Мен сынап жатырмын, мінеп жатырған жоқпын. Ал ол екеуінің аасы жер мен көктей. Білесіз ғой:)

Кәментіңізге қуанып қалдым. Рахмет сізге!
0
Біз байқаған өлең жолдарына сілтеме бере кетейік. http://twitter.com/#!/Aliya_ocean/status/106242849703591936 Бірінші өлеңді байқамай қалған екенбіз. :)
Показать комментарии
Дальше