немесе қазақ спортын көркейту «келімсектерге» бұйырған ба?
Тәуелсіздігімізге қол жеткізгенімізге 20 жыл болса да, ел намысын қорғар спортшы қыз-жігіттеріміздің, нақтырақ айтқанда, қандастарымыздың санын анағұрлым арттыра алмай келеміз. Бұл - талайдың өзегін өртеген өкініш.
Түрлі дүбірлі спорт додаларынан хабар таратып отырған коментаторлардың сөздеріне мұқият назар аударып көрдіңіз бе? «Жарайсың, Хрусталева!», «Подобедова ел үмітін ақтады!», «Біздің Шведова!» іспетті жүрекжарды сөздерді естігенде бөркімізді көкке атып, қуанатындығымыз рас. Ол дұрыс та, өйткені әлемдік спорт алаңдарында бақ сынасып, Қазақстанның көк байрағын желбіреткен спортшыларымызды мақтағанға не жетсін?! Дегенмен, еліміздің аты аталған сәтте қазақтың ұл-қыздары есімінің қосарланып айтылмағаны көңілге кірбің түсіреді.