Yvision.kz
ru
suzak.nurotan.kz
suzak.nurotan.kz

suzak.nurotan.kz

Казахстан, Туркестан
Сайтта 16 қыркүйек 2020Официальный филиал партии "Nur Otan" Сузакского района Туркестанской области

250

рейтинг

200

жазбалар

0

пікірлер

0

тіркелуші

0

жазылымдар

  • 0
    13:26, 22 наурыз 2021

    ФРАКЦИЯ МҮШЕСІ МАРАПАТТАЛДЫ.

    Қазақстан іскер әйелдер қауымдастығының құрылғанына 25 толуына орай Түркістан облысы іскер әйелдер қауымдастығы ұлыстың ұлы күні қарсаңында аталған ұйымның бірнеше белсенді мүшелерін арнайы төсбелгімен марапаттады. Соның ішінде біздің ауданнан «Бақ нұры» іскер әйелдер қоғамдық бірлестігінің төрайымы, Созақ аудандық мәслихатындағы "Nur Otan" партиясы фракциясының мүшесі Нұржамал Майусова марапатталды.

    0
    117
    0
  • 0
    13:25, 22 наурыз 2021

    ҚАЗАҚТЫҢ МЫРЗАҒАЛИЫ!

    ҚАЗАҚТЫҢ МЫРЗАҒАЛИЫ!

    Қазақ спортындағы жарық жұлдыздардың бірі – Мырзағали Айтжанов. Ел тәуелсіздігінің 30 жылдығына орай «Nur Otan» партиясының арнайы жобасы аясында біз даңқты бапкердің жеңісті жолын назарларыңызға ұсынамыз.

    Айтжанов Мырзағали Құланұлы 1970 жылы Оңтүстік Қазақстан облысы, Сайрам ауданында дүниеге келген. Ол – жастар арасында КСРО және Еуропа чемпионы, халықаралық дәрежедегі спорт шебері. Жеңіл салмақта жұдырықтасса да, жойқын соққыларымен жанкүйер есінде қалған нокаутер. 15 жылда 245 кездесу өткізіп, оның 210 кездесуінде жеңіске жеткен.

    Мырзағали Құланұлы 2009-2018 жылдар аралығында бокстан Қазақстан құрамасының бас бапкері болды. Он жылға жуық уақыттың ішінде Айтжановтың арландары жұмыр жердегі айтулы додаларда Қазақстанның көк туын биікте желбіретті. Жалпы осы уақытта білікті бапкердің шәкірттері дүниежүзілік бәсекелерден 70 медаль еншіледі. Мырзекең бастаған құрама Олимпиада ойындарынан 2 алтын, 3 күміс, 2 қола еншілесе, әлем чемпионаттарынан 5 алтын, 8 күміс, 7 қола медаль олжалады. Азия ойындарынан 8 алтын, 5 күміс, 2 қола жеңіп алса, Азия чемпионаттарынан 15 алтын, 7 күміс, 6 қола олжалаған.

    – Ұлттық құрама жігіттері әрбір жаттығу күні басталар сәтте Әнұранды шырқайды. Мен олардан ең алдымен шеберлікті емес, тәртіпті талап етемін. Оқу-жаттығу жиындарында міндетті түрде кітап алып жүремін. Жиырма күнде бір романды оқып үлгерген кездер болды. Себебі, мен әдебиетті жақсы көремін. Бала кезімде батырлар жырын оқып, аңыздар мен ертегілерге сүйсініп, кітаптағы батыр кейіпкерлерге еліктейтінмін. Қазақ талай нәубеттен аман өткен қайсар халық қой. Сондықтан спортшы тек спортты ғана емес, тарихын да білуі тиіс. Ол да жігерді жанитын күш, – деген еді Мырзағали аға бір сұхбатында.

    Шәкірттерінің бойына да отаншылдық пен ұлттық рухты сіңіре білген бапкердің өрендері ел сенімін ақтады. 2013 жылы Алматыдағы әлем чемпионатында қазақ былғары қолғап шеберлері 4 алтын, 2 күміс және 2 қола медаль еншілеп, әлемді таңғалдырды. Бұл жетістікті таяу жылдары қайталау өте қиын болатын шығар. Сонымен қатар 2014 жылы Инчхондағы Азия ойындарында қазақстандық боксшылар 6 алтын, 1 күміс және 1 қола жүлдеге ие болды. Міне, осы ғажап жетістіктерді жоғары бағалаған АИБА Мырзағали Айтжановты 2013 және 2014 жылы әлемнің үздік бапкері деп жариялады. Мұндай атаққа Қазақстаннан бұрын-соңды ешкім ие болмаған. Бірақ, әлемді мойындаттым деп даңдайсып кеткен Мырзағаны көрмедік. Сол баяғы қалпы. Жасты жастай, үлкенді үлкендей сыйлайды. Басынан сөз асырмайды, ісіне бекем.

    Қазіргі таңда Түркістан облысының боксшыларын дүбірлі додаларға даярлап жүрген Мырзағали Айтжанов тағы да Олимпиада, Әлем чемпионаты жүлдегерлерін даярлауды көздейді. Тәуелсіздігіміздің нығаюына өз саласы бойына айрықша үлес қосқан бапкерге елдің құрметі жоғары.

    «Nur Otan» партиясы Түркістан облыстық филиалының баспасөз қызметі

    #Қазақстанныңтанымалспортшылары #ЗнаменитыеспортсменыКазахстана

    0
    175
    0
  • 0
    13:24, 22 наурыз 2021

    БІТЕР ІСТІҢ БАСЫНА...

    Алдын-ала аудандық партия филиалының ресми парақшасы арқылы үстіміздегі жылдың 17-наурызы күні партия филиалында аудандық мәслихат депутаты, "Волковгеология" АҚ N5 Геологиялық барлау экспедициясының басшысы Құрманғали Бекішов пен "Атамекен" ұлттық кәсіпкерлер палатасы Созақ аудандық филиалының директоры Арман Анарбаев азаматтарды жеке мәселелері бойынша қоғамдық қабылдау өткізетіндігі жарияланған болатын. Делінген уақытында жоғарыда аталған тұлғалар Шолаққорған ауылдық округінің бірқатар азаматтарын қабылдап, мәселелерін тыңдады. Емделуге қажетті дәрі-дәрмек алу, тұрғын үймен, қатты отынмен қамтамасыз ету, т.б. мәселелерін алға қойған аудан тұрғындарының мәселесі іс басында шешімін тауып, өтініш иелері халық қалаулысы мен палата филиалының басшысына өз ризашылықтарын жеткізді. Қабылдауға аудандық партия филиалы төрағасының бірінші орынбасары Р.Әлжанов, жауапты қызметкерлер А.Омарбекова, Н.Қошқарбаевтар қатысты.

    0
    132
    0
  • 0
    13:23, 22 наурыз 2021

    Қазақ боксының қара нары

    Нұрмаханов Әбдісалан Кәрімұлы 1936 жылы дүниеге келген. Ол – қазақ бокс мектебін қалыптастырушылардың бірі. КСРО-ның еңбек сіңірген спорт шебері (1966), Қазақстанның еңбек сіңірген жаттықтырушысы. Қазақстанның 10 дүркін чемпионы (1957-1967), КСРО чемпионатының екі дүркін күміс жүлдегері (1957, 1962 ж.ж.), КСРО халықтары спартакиадасының екі мәрте қола жүлдегері (1959, 1967), Азия-Африка ойындарының жеңімпазы (1963).

    Әбдісалан Нұрмаханов тек спортшы ретінде ғана емес, бапкерлік қырымен де дараланған саңлақ. Ол бокс спортын зерттеп, арнайы оқулық жазған. Жоғары оқу орындарында кафедра меңгерушісі, проректор болып қызмет атқарды.

    Бала кезінен ауыр жұмыс істеп, тағдыр тауқыметін тартып өскен азамат өзгелерге жанашыр бола білді. Спортшы ретінде Олимпиадаға баруына түрлі кедергілер кері әсерін тигізді. Өжет жан одан кейін бапкерлікке бет бұрды.

    Әбдісалан Нұрмаханов қазақ құрамасының тізгінін 1993 жылы ұстаған. Ол кісі тәртіпке баса мән берді. Әрбір спортшының ішкі әлеміне үңіліп, әкесіндей қамқор болған деседі. Нұрмахановтың бас бапкер болуымен Қазақстан құрамасы бұрынғыдан да күшейе түсті. 1993 жылы Иранның астанасы Теһранда өткен Азия чемпионатында қазақ құрамасы командалық есепте топ жарды. Таиландта өткен әлем кубогында қазақ боксшылары командалық үшінші орынға табан тіреді. 1995 жылы біздің жігіттер Ташкенттің төрінде Азия чемпионатының алты алтын, бір күміс жүлдесін жеңіп алды. 1995 жылғы әлем чемпионатында Болат Жұмаділов күміс, Василий Жиров қола жүлдеге ие болды.

    1996 жылы Қазақстан тұңғыш рет тәуелсіз ел ретінде Атлантада өткен жазғы Олимпиада ойындарына қатысты. Бокстан ұлттық құраманы додаға Ә.Нұрмаханов бастап барды. Түркістан қаласында шыңдалып өскен азамат спорттағы тәжірибесі мен түйгендерін шәкірттеріне үйрете білді. Атланта Олимпиадасында Нұрмахановтың шәкірттері 1 алтын, 1 күміс, 2 қола еншілеп, ел абыройын аспандатты. Василий Жиров алтынға иелік етсе, Болат Жұмаділов күміс медаль алды. Ал Болат Ниязымбетов пен Ермахан Ибраимов қола медаль еншіледі.

    Қазақ спортына еңбегі сіңген Әбдісалан Нұрмахановтың есімі тәуелсіздік шежіресінен ойып тұрып орын алады. Себебі нарқасқа азамат бокс спортындағы ұлы жеңістердің іргетасын бекітіп берді. Атлантадан бері ұлттық құрама ешбір Олимпиада ойындарынан алтын жүлдесіз қайтқан емес. Ұлт өз батырларын ұмытпауы тиіс!

    #Қазақстанныңтанымалспортшылары #ЗнаменитыеспортсменыКазахстана

    0
    256
    0
  • 0
    13:20, 22 наурыз 2021

    Үкімет отырысында білім беру саласын жетілдірудің жүйелі мәселелері қаралды.

    ҚР Премьер-Министрі Асқар Маминнің төрағалығымен өткен Үкімет отырысында білім беру саласын жетілдірудің жүйелі мәселелері қаралды.

    Осылайша, «Nur Otan» партиясының сайлауалды бағдарламасын іске асыру аясында білім беру мазмұнын жаңғырту, оның жаңа инфрақұрылымын құру, педагогтар мен білім алушыларды әлеуметтік қолдау бойынша шаралар әзірленді:

    ➡️ 2024 жылға қарай педагогтардың жалақысы мен студенттердің шәкіртақысы 2 есеге ұлғаяды. 800 жаңа мектеп салынып, 5000 ауыл мектебі жаңғыртылады. Колледждерде 9-сынып негізінде оқу толығымен тегін болады. Колледждерді бизнеске сенімді басқаруға беру тәжірибесі жалғасады (қазіргі уақытта 10 колледж берілді).

    ➡️Университеттердің білім беру бағдарламалары кәсіптік стандарттар негізінде 100% жаңартылады, бұл түлектердің жұмысқа орналасу мүмкіндіктерін арттырады. Талантты жастардың елден кетуін қысқарту мақсатында шетел университеттерінің филиалдарын ашу жоспарлануда.

    ➡️Отандық 20 жетекші ЖОО өңірлердің өсу нысанасына айналады. Назарбаев университетінің тәжірибесі бойынша инновациялар мен жаңа технологияларды дамытумен айналысатын екі озық ЖОО құрылатын болады.

    ➡️ Жоғары білімнің қолжетімділігін арттыру үшін 2025 жылға дейінгі гранттар саны 50%-ға артады. Жыл сайын жас ғалымдарға 1000 грант бөлінеді, ал 500 қазақстандық ғалым әлемнің танымал ғылыми орталықтарында тағылымдамадан өте алады.

    ➡️Мемлекет басшысы Қасым-Жомарт Тоқаевтың тапсырмасы бойынша осы жылдың сәуір айында белгіленген үлгідегі құжаттарды бере отырып, қазақстандықтардың өз бетінше оқу нәтижелерін тануды көздейтін Үздіксіз білім беру тұжырымдамасы қабылданады.

    🔗𝐩𝐫𝐢𝐦𝐞𝐦𝐢𝐧𝐢𝐬𝐭𝐞𝐫.𝐤𝐳

    @nur_otan

    0
    138
    0
  • 0
    13:18, 22 наурыз 2021

    ЕЛДІҢ КҮШІ — БІРЛІКТЕ!

    13-15 наурызда республика аумағында ауа райының күрт төмендеп, үлкен көлемде қар түсіп, боран суырып өткені ауданымыз халқын да біраз әбігерге салғаны мәлім. Осынау қиын уақытта атқарушы органдардың тиісті бөлімдері мен мекемелері аяғынан тік тұрып, ауданға келер күре жолдарды тазалау, елді мекендерді қар құрсауынан шығаруға жұмыс жасады. Бұл тірліктен өкілетті орган өкілдері де тыс қалған жоқ. Мәселен, аудандық мәслихат депутаты Базарбай Нұрланов өзінің жеке техникасын (погрузчик) жанар-жағар майымен, жігіттерімен қалың қарда қалған бабаталық шопанның жанұясын бораннан алып шықты, Одаман асуында қалған көліктердің, ондағы жерлестеріміздің елге жетуіне жұмыс жүргізді. Депутаттар Нұржамал Майусова мен Елдос Қабылбеков өз қаржыларына Шолаққорғаннан техника жалдап, Жартытөбе ауылдық округіндегі әлеуметтік нысандарға барар жолдарды ашуға көмек көрсетті. Қатқыл ауа райы кезеңінде ауданды электр қуатымен үздіксіз қамтамасыз етуге депутат Ғабит Елбергенұлы өз жігіттерімен атсалысты. Жартытөбе ауылдық округінің әкімі Болат Есенқабыл, ауыл жастары Жартытөбе, Аққолтық, Бабата ауылдарындағы көшелерді ашуға жұмыс жасады. Аудан әкімі Салыхан Сабырұлы орынбасарлары Бағдат Бегманұлы, Бекзат Тайұлы, Ақәділ Болатұлы жұмыла іске кірісті. Берік Әлтеков, Әліпбек Сөлтеков ағаларымыз бүкіл командасын жұмылдырды. Осындай ынтымақты тірліктің арқасында көптеген шығындардан теріскейліктер тағы да аман шықты. Әрине, табиғаттың тылсым мінезіне жұмыр басты қауқарсыз, дегенмен ынтымақ пен бірлік болса созақтықтар кез-кезген қиындықты жеңіп шығатынына күмән жоқ.

    0
    206
    0
  • 0
    11:46, 20 наурыз 2021

    Бүгінгі кейіпкеріміз – Октябрь Жарылғапов

    Биыл еліміздің өз тәуелсіздігін алғанына 30 жыл толады. Осыған орай, «Nur Otan» партиясы қазақ спортына еңбегі сіңген даңқты спортшылар мен бапкерлерді насихаттау, олардың жеңісті жолдарын үлгі ету бағытында ақпараттық жұмысты қолға алды.

    Бүгінгі кейіпкеріміз – Октябрь Жарылғапов. Қасиетті Түркістаннан түлеп ұшқан өрен жоғары оқу орнында бiлiм алып жүрген кезiнде спортпен айналысуға шындап ден қояды. Әсiресе, волейболға деген қызығушылығы өте жоғары едi. Күндiз-түнi жаттығу залынан шықпаған түркiстандық тастүлек жоғары оқу орындары арасындағы жарыстарға қатысып, мамандардың көзiне түседi. Алдымен «Авангард», ал, 1956 жылы жаңадан құрылған «Буревестник» командасына қабылданады. 1955-1958 жылдары республика чемпионы атанды, Қазақстан құрама командасы мен «Буревестниктiң» жаттықтырушысы, капитаны әрi белдi ойыншысы болды. Октябрь бастаған оғландар алғашқыда төменгi лигада ойнағанымен, болашағы бар команда екенiн бiрден аңғартты. Одақ көлемiндегi байрақты бәсекелерде ерекше өнерiмен көзге түскен команда капитаны О.Жарылғапов 1961 жылы ең үздiк 24 волейболшының қатарына енiп, КСРО-ның спорт шеберi атағын алады. Команда мүшесi әрi бапкерi бола жүрiп, ерен еңбегiмен танылған ол талай талантты жастарды спортқа баулыды. 1962 жылы Қазақ мемлекеттiк физкультура институтын сырттай бiтiрiп, жоғары бiлiмдi бапкер атанды. Өзi тәмамдаған оқу орнында оқытушы, «Буревестник» командасында бапкер әрi капитан мiндетiн атқарған саңлақтың шәкiрттерi 1965 жылы кiл мықтылар өнер көрсететiн «А» тобында ойнап, 8-орынға ие болады. Волейбол сардары 1962 жылы Қазақ КСР-нiң, ал 1965 жылы КСРО-ның еңбек сiңiрген жаттықтырушысы атағына ие болды. Бұл кезеңде Октябрьдiң «Буревестнигi» одақтың «менмiн» деген командаларын мойындата бастады. Алматылықтар 1966 жылы төртiншi, 1967 жылы үшiншi, ал, 1968 жылы күмiс жүлдегер атанды. Жыл өткен сайын жоғары өрлеген команда мақсатына жетiп, 1969 жылы КСРО чемпионы атанып, абыройды аспандатты. Олимпиада және Еуропа чемпиондарын даптаған Жарылғаповтың есімі қазақ спорты тарихында мәңгі сақталады. Тәуелсіз Қазақстанның жасөспірімдері мен жастары осындай тұлғалардан үлгі алуы керек.

    #Қазақстанныңтанымалспортшылары #ЗнаменитыеспортсменыКазахстана

    0
    624
    0
  • 0
    11:40, 20 наурыз 2021

    «Nur Otan» партиясы Созақ аудандық филиалының қоғамдық қабылдау бөлмесінде кезекті қабылдау өтті

    «Nur Otan» партиясы Созақ аудандық филиалының қоғамдық қабылдау бөлмесінде кезекті қабылдау өтті. Созақ аудандық мәслихатының депутаты Майусова Нұржамал Әбілжанқызы және аудандық тұрғын үй коммуналдық шаруашылық, жолаушылар көлігі және автомобиль жолдары бөлімі басшысы Байзақов Дулат Есалыұлы ауыл тұрғындарын жеке мәсәлелері бойынша қабылдады. Тұрғындар негізінен әлеуметтік көмек, тұрақты жұмысқа орналасу, тұрғын үй құжаттарын рәсімдеу және ауданның орталық көшелеріндегі жол белгілері, көшелерді жарықтандыру, тас жол төсеу мәселелері бойынша өтініштерін білдірді. Қоғамдық қабылдау барысында бірқатар өзекті мәселелер өз шешімін тапты. Сондай- ақ қалған көтерілген мәселелер бойынша ҚР заңдарына сәйкес тиісті жауаптар беріліп, мәселелер бақылауға алынды.

    0
    127
    0
  • 0
    11:39, 20 наурыз 2021

    ТҰРЫСБЕКОВ 30 АНАҒА ҚҰРМЕТ КӨРСЕТТІ

    Түркістан облыстық мәслихатының депутаты Мағауия Тұрысбеков Халықаралық әйелдер күні мерекесіне орай Созақ ауданынында тұратын 30 "Алтын алқа" иегерлеріне сый-сыяпат жасады. Өз құттықтауын аудандық партия филиалы арқылы жеткізген халық қалаулысы алтын құрсақ аналарды шын жүректен құттықтай отырып, дендеріне саулық, отбасыларына амандық тіледі. Әрдайым мейірім мен жылылықтың бастауы — батыр аналар да өз кезегінде Мағауия Сексенбайұлына шынайы алғыстарын білдіріп, рахметін жеткізуді аманат етті.

    Үнемі халық жанашыры болып жүретін облыстық мәслихат депутатына филиал тарапынан біз де жақсылығыңыз өзіңізге еселеп қайтсын деп тілек білдірдік.

    0
    451
    0
  • 0
    11:37, 20 наурыз 2021

    СОЗАҚ: "NUR OTAN"-ДЫҚТАР АНАЛАРДЫ ҚҰТТЫҚТАДЫ

    8-наурыз — Халықаралық әйелдер күні мерекесіне орай," Nur Otan" партиясы Созақ аудандық филиалы төрағасының бірінші орынбасары Р.Әлжанов Қыземшек кентінде тұратын бірқатар аналарға құрмет көрсетті. Санитарлық талаптарды сақтай отырып, өткен іс-шарада "Алтын алқа" және "Күміс алқа" иегерлері Зина Әбдіқадырқызы, Зиякүл Омарқызы, Сәуле Алтынбекқызы аналарға аудандық партия филиалының атынан "Алғыс хаттар" табыс етіліп, сый-сыяпат жасалды.

    0
    113
    0