Табиғат салған суреттер
Мамыр айының ортасына таман «Жасыл орман» («Зеленый бор») шипажайында он күн демалып қайттым. Көктемнің соңғы айы салқындау, жауынды болды. Ара-арасында жылт етіп күннің көзі көріне қалса, өңірді аралаймын, өзен-көл, орманды кезіп кететін кездерім көп. Сол қыдырудан көргенім, тау-тас, орман-ағаш қарап тұрсаң өзінше бір әлем, тіпті ағаш тамырларының өзі сурет, егер қыбын тауып, ретін келтірсең. Әр тамыр өзінше бір бейне. Ағаштан да сурет табуға болады екен. Тек фотоаппаратыңды дұрыс пайдалана білсең. Менің фотоаппаратым – қалтафоным. Кедір келіңкіремеген «бейнелерді» жан-жағынан айналдырып жүріп белгісіз бір аңның, басқа бір жәндіктің бейнесіне келтіріп ала қоямын. Сіздер де көріңіздер, бір заттың пішініне енбей қалған суреттер болса, кешірім өтінемін. Суретшілік шеберлігімнің жетіспегені…