Алтынсарин атындағы ОБЖК

Бейбіт Қойшыбаев "Тарих және тұлға" жинақтан оқырман қазақ халқының қалыптасуы және этностық атауымен мемлекеттігін құру, бір орталықтандырылған қуатты хандық жасақтауға тырысу және отарлану кезеңдері мен патшалық тұсындағы азаттық аңсаған көтерілістер, кеңестік дәуірдегі ұлттық-мемлекеттік межелеу шындықтары, тоталитарлық кезеңнің қылмысы, алаштық идеяның өміршеңдігі жөнінде оқып танысады.

Жезтырнақты жеңген батырлар. Ағайынды қос батыр Еділ мен Жайық аң аулап жүріп тылсым дүниеге тап болады. Ол жезтырнақтар ордасы екен. Екі батыр құбыжықтарды жеңіп, халыққа бейбіт өмір сыйлайды. Бұл оқиға туралы толығырақ бейнежазбадан тыңдаңыздар!!!

Көне дүние тарихының білгірі, жазушы-ғалым Қойшығара Салғарұлының "Ұлы дала" атты кітабы ежелгі және ортағасырлық далалық империялардың тартысты да талайлы тарихының жаңаша көзқараспен жазылуымен құнды.Туынды терең пайымдаулар мен байыпты да батыл әрі тосын тұжырымдарым ерекшеленеді.Зерттеу нысанына айналып отырған тақырыпқа байланысты басқа да ғалымдардың ой-пікірлерін талдап қана қоймай, тарихи түпнұсқа деректерді өзара салыстырып, автордың өзі тың әрі тиянақты дәлелдер келтіреді. Кітап Ұлы Дала аталған ұлан-ғайыр кеңістікте өмір сүрген байырғы қағанаттар мен ұлыстардың тарихына қызығушы барша оқырманға арналған.

Бұл ертегі қарапайым қойшының қалай батырға айналғандығы туралы. Ертегі балаларды қарапайымдылыққа, батылдыққа, мақсат қою арқылы арманға жетуге баулиды.

Кітап – білім бұлағы,

Өмірдің ол шырағы.

Кітапхана болсыншы,

Оқырманның тұрағы,- дегендей біздің оқырмандарымыз өздерінің сүйікті кітапханаларының өткізіп жатқан «Кітаптарда демалыс жоқ» акциясына өздерінің қызықтап оқитын кітаптарымен түскен фотосуреттерін жіберіп белсене қатысуда. Ал біздер болсақ сол білімді, белсенді, өнерлі оқырмандарымызбен кездесу күнің асыға күтудеміз.

"Гүл - жердің көркі" - деп бекер айтпаса керек. Гүл - сұлулықтың символы. Табиғи гүлге жетер ешнәрсе жоқ. Десе де, адамдар сол сұлулықты әртүрлі тәсілдермен қолдан жасауда. Біз бүгінгі шеберлік сыныбымызда күнделікті ішетін сусындардан босаған пластик бөтелкелерден гүлдер жасайтын боламыз. Бос бөтелкелерді қоқысқа текке тастамай, осылайша пайдаға жаратуға болады. Ол гүлдерді мектептің, балабақшаның, үйдің ауласын безендіруге қолдануға болады. Жасалу жолы видеода берілген.

Кішкентай біздің тыңдармаңдарымыз сендердің назарларыңызға түнгі ұйқыға кетерде әжем айтқан ертегі айдарында тәрбиелік мәні зор «Адал мен сұм және өгіз» тамаша ертегісін ұсынамыз. Қай заманда болсын жақсы мен жаман, мейірім мен қатыгез, адал мен сұм қатар жүреді. Бұл ағын мен толқын секілді арпалысып жатқан өмірдің сарыны. Ал бүгінгі ертегіміздегі көрші тұрған Адал мен Сұмның жағдайында бұл құбылыс қалай және қандай сарында болғанын осы ертегіден біле аласың.

Дархан Бейсенбекұлы 1984 жылдың 7 қарашасында Алматы облысы, Жаркент өңіріндегі Нағарашы ауылында дүниеге келген. Қаламгердің «Жалғыз жұлдыздың жарығы» атты әңгімелер жинағына балалар әлемі мен жасөспірімдер тақырыбына қалам тербеген туындылары өзінің шынайылығымен, ауылдың аңғал мінезімен ерекшеленіп, оқырман қауымды бірден баурап әкетеді.