Айжанка Жолдасбаева

Сәуірдің 14-ші жұлдызында ҚазҰУ-да "Көктем аруы және көктем сұлтаны" атты сайыс өтті. Сайысқа қатысушылар журналистика факультетінің студенттері болды.

Күнді жылытып, көңілді көтерген көктемнің әдемі күнінде болған бұл сайыс өте жоғары деңгейде өтті. Студенттер жақсы дайындықпен келген. Сонымен, сайыс жеңімпаздарына, яғни көктем аруы мен сұлтанына тағайындалған жүлде - Ыстықкөлге 10 күндік жолдама болды. Бұл кеш барлығымызға көтеріңкі көңіл-күй сыйлады!

Наурыздың 29-шы жұлдызында ҚазҰУ-да "Студенттік көктем - 2011" көркемөнерпаздар байқауының бірінші кезеңі өтті. Бұл сайыс ел тәуелсіздігінің 20 жылдығына арналып дайындалды. Он түрлі аталым бойынша өткен жарыс өте тамаша өтті. Студенттер шынында бар ықыласымен дайындалған, бірінен бірі керемет! Университетімізде осындай қызықты шаралар көп ұйымдастырылып тұрады, сол үшін қуаныштымын. Байқау өте жоғары деңгейде өтті.

1 - сәуір күлкі күнімен барша достарымды құттықтаймын!!! Әрқашан жүздеріңізден күлкі кетпесін! Күлкі деген - өмірді ұзартады дейді, сондықтан әрдайым көңілді жүріңіздер!  Дендеріңіз сау, өмірлеріңіз ұзақ болсын!

 19 наурыз күні бізде, қоғаммен байланыс кафедрасында Самсон Безмятежныйдың лекциясы өтті. Самсон yvision.kz сайтының менеджері. Лекция барысында ол бізге осы блог платформаның PR маманға өте қажет екендігі жайлы толығырақ түсіндірді. Қазақстандық сайттар жайлы да әңгімеледі. Лекция өте ұнады.

 12-ші наурыз куні ҚазҰУ-дың журналистика факультетінің қоғаммен байланыс кафедрасында  BAT компаниясының PR маманы Алима Есенбаеваның лекциясы өтті.

British American Tobacco - халықаралық  темекі өңдейтін өте үлкен компания болып табылады. Қазіргі кезде Темекіні ашық жариялауға, жарнамалауға заңмен тыйым салынғандықтан, бұл салада жұмыс жасаудың көптеген қиындықтары бар. Лекцияда Алима апай сол қиындықтарға қарамастан компанияны өсірудің түрлі PR тәсілдерін айтып түсіндірді. Сонымен қатар, өзінің жұмысы жайлы да біраз мағлұматтар берді. Бұл лекция біздің мамандығымыз жайында болғандықтан, Алима апайдың лекциясы бізге қызық болды.  

Қаңтардың 28-і күні ҚазҰУ-да атақты режиссер Болат Атаабаевпен кездесу болды. Болат ағай өзінің қызықты әңгімелерін айтып, болашақта бізге қажет нәрселерді үйретті. Біздің ол кісіден аларымыз мол екен.

Осындай өмірден тәжірибесі мол Болат ағаның әңгімесінен көп нәрсені өзіме сабақ еттім!

Ақпанның 5-і күні PR-да Ибраева Тоғжанмен кездесу өтті. Лекция барысында біз көптеген өзіміз үшін жаңа мағлұматтар алдық.Тоғжан Ибраева бізді [email protected] жобасымен таныстырды. Бұл жобаның бір артықшылығы оны ҚазҰУ-да да жасауға болады екен. Бұл лекциядан түсінгеніміз, жаңалықтарды facebook.com-нан оқыған дұрыс екен.

19-шы ақпан күні ҚазҰУ-дың журналистика факультеті, PR кафедрасында Yandex директоры және  barcamp-тің Қазақстандағы ұйымдастырушысы қонақта болды. Өз жұмысының мықты мамандары бізге  жетістіктерінің құпияларын ашып, осы салаға қалай келгендерін айтып бөлісті. Бізге ақыл-кеңестерін берді.

ҚазҰУ-дың журналистика факультетінің PR кафедрасына биыл 10 жыл толды. Онжылдықтың ашылу салтанаты  ақпанның 14-ші жұлдызында PP-дың орыс тобы ұйымдастыруымен өтсе, жабылу салтанаты 18-ші ақпанда  аталмыш мамандықтың қазақ бөлімінің ұйымдастыруымен тамаша деңгейде өтті.

«Көңілді the end» деген тақырыпта өткен жабылу салтанатында қазақ тобының студенттері өздерінің  идеяшылдығын және отансүйгіштігін көрсете білді! Мерекеде шырқалған  гимн, арнайы дайындалған ұран және логотиптері осының айқын дәлелі болды.