TRK_kaz

Жоспарлы-тәжірибелік жұмыстар кестесі және 2015 жылға арналған «Қазтелерадио» АҚ Ұлттық телерадиотарату желісі техникалық орталығындағы бақылау жұмыстарына сәйкес 20 шілде сағат 03:00-ден 17:00-ге дейін «Қазтелерадио» АҚ-да тоқсандық жоспарлы-тәжірибелік және «Қазақстан» РТРК» АҚ-да техникалық жұмыстар жүргізіледі. Ал, 21 шілде күні сағат 15:00-16:00 аралығында жоғарыда көрсетілген техникалық құрылымдарда тоқсандық бақылау жұмыстары жүргізіледі. Осыған орай 20 шілде күні Қазақстан Республикасы бойынша Қазақ радиосының бағдарламалары 03:00-17:00 аралығында, «Шалқар» Ұлттық арнасының бағдарламалары 06:00-17:00 аралығында, «Астана» радиосының хабарлары (Астана қаласындағы қабылдағыш FM -101,4) 07:00-17:00 аралығында, «Classic» радиосының хабарлары 03:00-17:00 аралығында эфирге шықпайды. 21 ш…

Тұрмағамбет Ізтілеуов - халық ақыны, аудармашы. Оның шығармаларының негізгі тақырыбы - білім-ғылымды («Балаларыма», «Ақыл тон аңдағанға тозбайтұғын», Ұлдарыма», «Абайды оқығанда»), адамдық пен ізгілікті («Адамдық іс», «Жақсы мен жаман», «Қабанға қарсы ұмытылма ер дегенге», «Толымды жігіт») және сатиралық («Құрбанғалиға», «Бар» мен «Жоқ», «Ал» мен «Бер», «Бірге туған», «Құлжан биге», т.б.) өлеңдерді насихаттау болды. Ақын  жазбаша айтыстың дамуына өзіндік үлесін қоса отырып, Сыр бойындағы жазба айтыс мектебін қалыптастырушылардың бірі. Т.Ізтілеуов ақындарға аралық сөз айтып, бітістіруші би-шешен де бола білген. Ақынның шығармашылығымен толығырақ бүгін 17:00-де «Замана бұлбұлдары» деректі фильмінен таныса аласыздар.

Күн сайын қоғамдағы түрлі өзгерістер мен әлемдегі маңызды жаңалықтар «Қазақстан» Ұлттық телеарнасы тілшілерінің назарынан тыс қалған емес. Әр алуан әлеуметтік мәселелермен қатар, саясат, мәдениет, ғылым-білім, спорт жаңалықтарына сағат 12:30, 17:30 және 20:30-да қаныға аласыздар. Ал, апта басындағы ең өзекті деген ақпараттармен бүгін 17:30-да танысыңыз.

Басты рөлдерде – Джоди Мария, Ричард Яп, Джером Понс, Джанель Сальвадор, Мутия Оркия. 5 тамыздан «Қазақстан» Ұлттық телеарнасынан «Жүрегім сізге аманат» атты филиппиндік телехикая көрсетіледі. Туынды сюжеті бойынша, Майя стюардесса болу үшін қалаға келеді. Алайда, оның оқуға төлейтін ақшасы болмайды. Сол себепті Майя Виктордың үйіне бала бағушы болып жалданады. Майя бұл үйге келгелі бері отбасындағы қуаныштың азайып бара жатқанын байқайды. Виктор Лим – «Lim» әуе компаниясының президенті әрі жетекшісі. Әйелі қайтыс болған. Люк, Никки және Эбигейл атты үш баланың әкесі. Люк – үйдің үлкені. Момын әрі бүлікші бала. Никки – ортаншы қыз. Анасы қайтыс болған соң, жұмысбасты әкесінің мейіріміне қана алмай жүрген ол Майяның махаббатына бөленеді. Эбби – үйдің кенжесі. Майяға дейінгі бала күтушілерд…

Режиссер Одри Уэллстің туындысында басты рөлдерді Дайан Лэйн, Сандра О, Линдси Дункан сомдайды. Жазушы Фрэнсис Мэйс күйеуімен ажырасқан соң қайғы-мұңға беріледі. Жан дүниесінің жарасы шығармашылығына кері әсер етеді. Мұны байқаған достары оны Италияға барып, сергіп қайтуға кеңес береді. Достарының сөзін жерге тастамаған ол Италияға кетеді. Осы сәтте ғажайып басталады. Тоскана жеріне келген Фрэнсис оның сұлулығына тәнті болады. Дәл осы жерде тұрақтап өмірін өзгерткісі келген жазушы ескі вилланы сатып алып, жөндеу жұмыстарын жүргізеді. Дайан Лэйн, Сандра О, Линдси Дункан басты кейіпкерлерін сомдаған фильмді бүгін Ұлттық арнадан сағат 22:25-те тамашалай аласыздар.

Балалар жазушысының туындылары бірнеше шетел тіліне аударылған. Сейітжан Омаров туындыларының жас жеткіншектерді отаншылдыққа, қаһармандыққа, шынайы достық пен мызғымас ынтымаққа, руһани тазалық пен биік парасатқа тәрбиелеуде маңызы зор. Оны замандастары: «Балалар әдебиетінің ең көрнекті жазушысы»,-деп бағалайды. Жазушының «Заман күші», «Әңгімелер», «Балзия», «Қайырлы жаз», «Алтын алқап», «Күншуақ», «Дала қызы», «Бақ жұлдызы», «Қиыр жол», «Қасиетті бұлақ», тағы басқа повестер мен әңгімелер жинақтары, «Қызыл арай» романы жарық көрген. Аударма саласында Лев Толстой, Сергей Баруздиннің балаларға арналған әңгімелерін, Антон Чехов, Максим Горький шығармаларын, Валентин Катаевтың «Жалғыз жалау жалтылдап», «Полк баласы» повестерін, неміс филологтары ағайынды Гриммдердің ертегілерін, башқұрт жазу…

Қоғам, мәдениет, ғылым, спорт тақырыптарындағы түрлі жаңалықтармен танысқыңыз келсе, 9:30-да Ұлттық арнаны қосыңыз. «Бүгін – жексенбі» таңғы ақпаратты-танымдық бағдарламасы жексенбілік таңдарыңыздың сәтті өтуінің кепілі. Бүгінгі бағдарламада танымал тұлғалардың сұхбатын тыңдап, түрлі қызықты ақпараттарға қанық боласыздар. Әнші Төреғали Төреәлі студияда қонақта болса, «Қазақстан дауысы» жобасының жеңімпазы Бауыржан Ретбаев бағдарламаға «Skype» арқылы қосылып, шығармашылықтарындағы жаңалықтарымен бөліспек. Ал, осы аптадағы ең таңғаларлық жаңалық – Аягөздегі «жанатын көл» туралы журналистік зерттеу жүргізген тілші Нұрбек Бекбау табиғаттың тылсым күйі туралы айтады. «Гауһартас» фильмінің тарихын білесіз бе? «Rope jumping» (арқанмен секіру) экстремалды спортының ерекшелігі неде? Рацияфиксаторд…