«Думан Мұхамедкәрім, Әйгерім Тілеужан, Марат Жыланбаевтарды саяси тұтқын деп айта алмаймын»
Жазушы, драматург Дулат Исабеков қоғамда орын алған оқиғаларға қатысты саяси ой-пікірін «Kultobe podcast» ютуб арнасының журналисі Берікбол Төлегенге берген сұхбатында айтты.«Саяси тұтқын болу үшін белгілі бір партияның лидері ретінде арнайы бағдарлама ұсынуы қажет. Бастамаларының үлкен күшке айналмау себебі де осы. Шетелде бір адам үшін халық бостандық талап етіп, қарсылығын ашық білдіреді. Ал бізде бір адам емес, он адам тұтқындалса да немқұрайлы қарайды. Өйткені, селқостық басым», - деп, аталмыш тұлғаларға айып тақпайтынын, айыптау үшін қылмысқа негізделген әрекеттерін байқамағанын атап өтті. «Олардың үндеуі тек талап қана. Билікке қалай талап қояды? Газет бетіне жарияласа елеусіз қалады. Тоқаев: «халық ой-пікірін митинг арқылы айта алады» десе де, өзі қолдамайтын сияқты. Айтқан сөзде…