Сенің көзің (М.Мақатаев)
Бота көзбін деп тұр екен жанарың,
Жанарыңа ұрлап қана қарадым.
Қарадым да қалқам сенің көзіңе,
Киелі бір көркемдікке баладым.
Көз де мұндай болады екен киелі,
Сұлулыққа шөлдегені жан емі
Маңғаз басым сұлулықты көрдім де,
Мазасыздың тауып алдым бәлелі.
Кездейсоқ па! Жоқ бұл Хақтың қалауы
Күтпегенге береді ғой ол дағы.
Мұндай нәркес, мұндай тұнық жанардың
Мүмкін емес, ЖАНЫ СҰЛУ БОЛМАУЫ.