Түсінгенім
Уақыт өте келе түсінетін нәрсе — адамзат баласына ұнауға тырыспау керек. Өзіңмен өзің болу — ең дұрыс таңдау. Себебі бәріне бірдей ұнау мүмкін емес. Біреу сені жақсы көреді, біреу түсінбейді. Бұл — қалыпты жағдай.Бұрын мен де өзгелердің пікіріне қатты мән беретінмін. Біреуге ұнау үшін өзімді өзгертуге тырысатын кездер болды. Бірақ уақыт өте келе бір нәрсені түсіндім: сен өзіңді жоғалтсаң, ешкім сені шын мәнінде бағаламайды. Адам ең алдымен өзіне адал болуы керек. Өз ойың, өз қалауың, өз жолың болуы тиіс. Басқалардың күткенін емес, өз жүрегің қалағанды жасау — нағыз еркіндік. Сол кезде ғана сен шынайы бақытты сезіне бастайсың. Иә, кейде сені түсінбейтіндер болады. Бірақ бұл сенің қате екеніңді білдірмейді. Әр адамның өз жолы, өз ойы бар. Сондықтан өзіңді өзгелермен салыстырудың қажеті жоқ.…