Жайық өзенін балықтандыру жөнінде

2014 жылдың 25 маусымында Жайық өзеніне 1млн. 332 мың дана қортпа шабақтары жіберілді.
Бұл шара балық ресурстары мен басқа да су жануарларын сақтау және өсімін молайту жөніндегі мемлекеттік бағдарламасы шеңберінде іске асырылды.
Қортпа шабақтары Жайық-Атырау бекіре балық өсіру зауытының  тоғандарында өсірілді.
Каспий теңізіндегі бекіре тұқымдас балық қорының күрт азаюына байланысты Қазақстанда осы балық түрлерінің шабақтарын жасанды жағдайда өсіріп, табиғи ортаға қосу бағдарламасы жүзеге асырылып отыр.
Бекіре тұқымдас балықтардың табиғи қорын қалпына келтірумен жылдық өндірістік қуаты 7 млн. шабақ құрайтын Атырау және Жайық-Атырау балық өсіру зауыттары айналысады.
ҚР ҚОСРМ баспасөз қызметі

http://www.eco.gov.kz/new2012/KK/2014/06/104-78/