«Жасыл Академия» ғылыми-білім беру орталығы ҚР Қоршаған орта және су ресурстары министрлігінің Орман және аңшылық шаруашылығы комитетімен бірлесіп Министрлік комитеттерінің аумақтық ұйымдарының басшылары мен қызметкерлерін оқытудың жоспар-кестесіне сәйкес
Қазақстан Республикасы Қоршаған орта және су ресурстары министрлігі
«Жасыл Академия» ғылыми-білім беру орталығы
Іс-шара: «ҚР орман шаруашылығын жаңғырту» семинар-тренингі
Өткізілетін күні: 2014 жылғы 24-25 сәуір
Өткізілетін орын: Астана қ., Достық көш, 20, 14-қабат, «Жасыл Академия» ҒБО мәжіліс-залы
Басталуы: 10.00
Анонс
«Жасыл Академия» ғылыми-білім беру орталығы ҚР Қоршаған орта және су ресурстары министрлігінің Орман және аңшылық шаруашылығы комитетімен бірлесіп Министрлік комитеттерінің аумақтық ұйымдарының басшылары мен қызметкерлерін оқытудың жоспар-кестесіне сәйкес осы жылғы 24-25 сәуірде «ҚР орман шаруашылығын жаңғырту» тақырыбына семинар-тренингін өткізеді.
Семинар жұмысына Қоршаған орта және су ресурстары вице-министрі Е. Нысанбаевтың және Еуропалық Одақтың Қазақстан Республикасындағы өкілі, FLEG Hessen Forst (Германия) экспертері және т.б. қатысуы жоспарланып отыр.
Семинардың «Жасыл» экономика және ҚР орман секторы» атты сессиясы шеңберінде тыңдаушылар «жасыл» экономиканы іске асырудың халықаралық тәжірибесімен және оның Қазақстандағы перспективаларымен, елімізде орман шаруашылығын дамытудың негізгі бағыттарымен танысады.
«ЭКСПО-2017» көрмесі қарсаңында орман секторындағы экологиялық туризм мен экологиялық қызметтерді дамыту мәселелеріне жеке сессия арналып отыр.
«Орман шаруашылығын басқару тетіктерін жетілдіру» атты сессияда орманды қалпына келтіру және ормандандыру мәселелері зерделенеді. Орман селекциясы, ормандандыру процесіне қарсылықтар, орман шаруашылығын және орманды қалпына келтіруді тиімді басқару саласындағы Еуропа тәжірибесі (Германия мысалында) қаралатын болады.
Байланыс: Астана қ., Достық көш, 20,
«Санкт-Петербург» бизнес орталығы, 14-қабат,
тел. 8(7172) 277294, 8(7172) 277293
e-mail: [email protected]