Астана күніне орай еліміздің ұлттық спорт түрлері қауымдастығының ұйымдастыруымен өткен жаппай көкпар тартуға 5 команда қатысты.
Қазақтың төл өнері саналатын бұл спорт түрінің командалық көкпардан ең басты ерекшелігі – жүлде салым салған спортшыға ғана берілетіндігінде. Ал бұл жолғы доданың жүлде қоры 1 миллион 500 мың теңгені құрады. Бас жүлде Жамбыл облысының өкілі Қуаныш Құрамаевқа бұйырды. Жарыс барысында елімізде өтетін Азия чемпионатына қатысатын ұлттық құрама жасақтады. Көкпардан құрлықтық біріншілік алдағы қыркүйекке жоспарланған.