Қызылордалық спортшы мәнерлеп сырғанаудан халықаралық додада жеңіс тұғырынан көрінді
Германияның Дрезден қаласында мәнерлеп сырғанаудан жастар Гран-при додасының алтыншы кезеңі аяқталды. Аталмыш бәсекеге 20 елден 28 спортшы қатысты.
Қызылордалық Элизабет Тұрсынбаева еркін бағдарламада үздік нәтиже көрсетіп, қорытындысында 164.79 баллмен күміс жүлдеге ие болды, — деп хабарлады облыстық дене шынықтыру және спорт басқармасының баспасөз қызметінен.
Айта кетейік, Элизабет қыркүйек айында Жапонияда өткен Гран-при додасының төртінші кезеңінде 3-орынды иеленген болатын.
Енді Элизабет 14-19 қазанда Ниццада болатын халықаралық жарысқа қатысуды көздеп отыр.
Автор: Елубай Әуезов
Басты сөздер: Спорт , Қызылорда облысы
ҚЫЗЫЛОРДА. ҚазАқпарат