Қытай атомдық технологиялар дамыту бойынша семинар

2017 жылғы 10 шілдеде Астана қаласында Қытай ұлттық павильоны ғимаратында Қытай ұлттық ядролық корпорациясы «Чжуньюань» Қытай инженерлік корпорациясының (CNNC CZEC) ЭКСПО-2017 халықаралық көрмесі шеңберінде Қытайлық атомдық технологияларды дамыту бойынша семинар өтті.
Семинарда кадрлар даярлау, АЭС жобалау және оны салуда тәжірибе алмасу бойынша мәселелер талқыланды, сондай-ақ HPR1000, ACP100 реакторларының технологиялары қаралды.
Семинарға ҚР Энергетика министрлігі, ведомствоға қарасты ұйымдар («ҚР Ұлттық ядролық орталығы» РМК, «Ядролық физика институты» РМК, «Ядролық технологиялар паркі» АҚ), «Самұрық-Қазына» ҰӘҚ» АҚ, «Қазатомөнеркәсіп» ҰАК» АҚ, «Самұрық-Энерго» АҚ, «KEGOC» АҚ, «Қазақстанның ядролық қоғамы» ассоциациясының және Л.Н. Гумилев атындағы Еуразия ұлттық университетінің өкілдері қатысты.