Сыбайлас жемқорлыққа қарсы сауаттандыру жұмыстары
Сыбайлас жемқорлыққа қарсы сауаттандыру жұмыстары құқық қорғау салаларында да жүргізілуде. 2015 жылдың 27 наурызында Жамбыл облыстық Төтенше жағдай Департаментінің «Өрт сөндіру және авариялық-құтқару жұмыстарының қызметі» мекемесінің қызметкерлерінің қатысуымен «Қазақстан Республикасының 2015-2025 жылдарға арналған сыбайлас жемқорлыққа қарсы Стратегиясының» негізгі мақсаттары мен міндеттері, биылғы жылғы «Нұрлы жол – болашаққа бастар жол» атты Жолдаудың басымдықтары туралы кездесу өткізілді. Қоғамдағы түйіткілді мәселелердің бірі саналатын – сыбайлас жемқорлық түсінігі мен бүгінгі күні қалыптасқан жағдайлар және заңнамалық тұрғыда мәліметтер айтылып, өрт сөндірушілер өздерінің жеке пікірлерін айтып өтті. Сондай-ақ, жемқорлықтың жағымсыз көріністері туралы бейнеролик көрсетілді.