Құстарды шекарадан заңсыз шығару
Шығыс Қазақстан облыстық орман және аңшылық шаруашылығы аумақтық инспекциясының хабарлауынша, мемлекеттік шекараны бұзуды болдырмауға бағытталған жедел-іздестіру іс-шараларын жүргізу барысында ҚР Ұлттық қауіпсіздік комитетінің шекара қызметіне қарасты әскери бөлімшесінің қызметкерлері Шемонаиха – Семей тас жолында Алматы қаласының тұрғыны жүргізіп келе жатқан «Опель Омега» маркалы автокөлігін тексерді.
Тексеріс нәтижесінде жүргізуші орындығының артында жабдықталған жасырын орыннан 6 ақсұңқар табылып, тәркіленді.
Жиналған материалдар мен айғақтардың негізінде күдікті азаматтың үстінен ҚР Қылмыстық кодексінің 290-бабы бойынша (өсiмдiктер мен жануарлардың сирек кездесетiн және құрып кету қаупi төнген түрлерiмен заңсыз іс-әрекеттер жасау) қылмыстық іс қозғалды.