Құстар неге құстай ұшады?

- Біз кернеулігі 6-10 киловольт электр желілерінің әсерінен құстардың өлуіне тыңғылықты зерттеу жүргіздік. Нәтижесі көңіл көншітпейді. Қазақ­станның «Қызыл кітабына» енгізілген құстар қырылып жатыр, - дейді ма­ман.
Өткен жылы «Дронт» орталығының орнитологтары «ҚазТрансОйл», «ҚазТранс­Газ», «КҚК» және «Аджип ККО» компанияларының 400 шақы­рым­нан асатын электр желілерінің бойымен жүріп өткен. Экспедиция барысында өлген 63 дала қыраны, 41 көксары, 9 бөктергі және т.б. құстардың өлексесі табылған.
Атырау облысында орын алған жағ­дай қанаттылардың көбеюіне залал келтіріп отыр. Облысының аумағында жыртқыш құстардың 15 түрі ұя салатын жерде кернеулігі 6-10 киловольт 8 мың шақырым электр желілері өтеді. Заң бойынша кәсіпорындар өздерінің электр желілерін құстарды қорғайтын құрылғылармен жабдықтауға тиіс, алайда мұнымен айналысатындар тым аз екен. Әттеген-ай...құссыз қалмасақ жарар еді.