Шорт-тректен қазақстандық спортшылар бүгін 5000 метрлік финалдық эстафетаға шығады, деп хабарлайды «ҚазАқпарат» тілшісі.

Топқа 5 спортшы — Абзал Әжіғалиев, Айдар Бекжанов, Аслан Дәуімов, Нұрберген Жумағазиев және Денис Никиша кіреді. Жарыс «Айсберг» Спорт сарайында Астана уақытымен түнгі сағат 12-де басталады.
Оған дейін қазақстандық биатлоншылар соңғы жарысқа шығады. Эстафетада біздің 4 спортшымыз — Галина Вишневская, Елена Хрусталева, Дарья Усанова, Марина Лебедева қатысады. Олардың әрқайсысы 6 шақырымды бағындыруы тиіс. Жарыс шаңғы және биатлон жарыстары бойынша «Лаура» кешенінде сағат 20:30-да басталады.

СОЧИ. ҚазАқпарат