Салауатты өмір салтын қалыптастыруға бағытталған іс-шара

Ағымдағы жылдың 19 сәуірінде сағат 15.00 де «Ақтоғай ауданының орталық кітапханалар жүйесі» ММ-де  жастарға арналған салауатты өмір салтын қалыптастыруға бағытталған, «Нашақорлықсыз әлем!» атты Дүниежүзілік акция шеңберінде, «ЭКСПО-2017» және Қазақстан Республикасы Қарулы Күштерінің  25-жылдығына арналған дөңгелек үстел өткізілді. Іс-шараның тақырыбы «Нашақорлықтың, шылым шегудің, маскүнемділіктің, токсикоманияның және ВИЧ-инфекцияның алдын алу».

Аталмыш дөңгелек үстелдің мақсаты жастар арасында салауатты өмір салтын қалыптастыруға, қоғамда жастардың көкейкесті мәселелерін талқылау. Іс-шара барысында Ақтоғай ауданының орталық ауруханасы бас дәрігерінің орынбасары Г.Г. Құрманғалиева аудан жастарына салауатты өмір салтының негіздеріне тоқтады, жалғасында орталық аурухананың психолгы Г.Макимова өзін-өзі бағалау дңгейінің жоғарлауына бағытталған тренинг өткізді. Іс-шара ауданның орталық алаңында өз жалғасын тапты. Жастармен жұмыс жөніндегі инспекторлар «Нашақорлықсыз әлем!» атты Дүниежүзілік акция шеңберінде халыққа салауатты өмір салтын қалыптастыру тақырыбында ақпараттық-насихаттау кітапшаларын таратты. Іс-шараны «Ақтоғай ауданы ішкі саясат бөлімінің «Жас Қанат» жастар ресурстық орталығы» КММ және Ақтоғай ауданының орталық ауруханасы ұйымдастырып, өткізді.

Іс-шараның соңында «Ақтоғай ауданы ішкі саясат бөлімінің «Жас Қанат» жастар ресурстық орталығы»  КММ-нің директоры. С. Аяганов белсенді жастарға естелік сыйлықтарды табыс етті. Аталмыш бағыттағы жұмыс әлі де өз жалғасын табады.