Республикалық бюджет шығыны 99 пайызға орындалды – Қаржы министрлігі
Республикалық бюджет шығыны 99 пайызға орындалды, деді Қаржы министрі Бақыт Сұлтанов ҚР Президентінің қатысуымен өтіп жатқан Үкіметтің кеңейтілген отырысында.
«Республикалық бюджет шығыны 99 пайызға орындалды, жергілікті -96 пайызға орындалды. Мемлекеттік бюджет бойынша көрсеткіштер 97,1 пайызды құрады, ол өткен жылғыға қарағанда 0,4 пайызға төмен. Бұл көрсеткішке күзде жетеміз. Бюджеттің жаңғыртылған әсері өсуде», - деді Б.Сұлтанов.
Оның айтуынша, 2016 жылы 1 трлн теңге 700 инвестициялық жобаны жүзеге асыруға салынды.
«Бюджетті нақтылау кезінде бұл әсерді жаңа инвестициялармен толықтырамыз. Алдағы жылдары ЖІӨ шығыны біраз төмендейді, ол бюджеттен емес, жеке серіктестіктен жүзеге асырылады. Астанадағы жеңіл рельсті көлік, Үлкен алматы айналмасы мен өзге көліктік жобалар мемкепілдік механизмі арқылы жүзеге асыру, демек мемлекеттік жеке меншік серіктестік арқылы орындау қарастырылған», - деді ол.
«Есептік кезеңде мемлекеттік бюджеттің кірісі 25 пайызға артық орындалды, ол 800 млрд теңгеден артық. Бюджетке 4 трлн теңге түсті. Бұл өткен жылдың 8 айымен салыстырғанда 1,2 трлн теңгеге немесе 40 пайызға көп. Бұл дағдарысқа қарсы шаралар аясында экономика алып жатқан қолдаулардың нәтижесі. Бірқатар ұйымдастырушылық және әкімшілік шаралар өткізілді», - деді министр.
Ведомство басшысының айтуынша, жарты миллион декларация сараптамасынан кейін 85 мың бюджетке өз еркімен жолданып, 11 млрд теңге үстінен төленді.
«Жалпы, салық-бюджеттік сала екі маңызды сәтті еске салады. Біріншіден, еңбек ақысынан салық төдеу 16,5 пайызға өсіп жатыр. Бұл еңбекпен қамту саласында оң нәтиже көрсетіп жатқандығы белгілі. Екіншіден, шикізаттық емес салада өсу байқалып отыр, ол 32 пайызды құрады. Жергілікті және республикалық бюджет өткен жылға қарағанда өсімді көрсетеді», - деді Б.Сұлтанов.
Ақпарат көзі: strategy2050.kz