Павлодарда бір қызық тағайындау болды

Жемқорлық дауымен орнынан кеткен Павлодар қаласының бұрынғы әкімі Ержан Иманзайыпов жаңа қызметке тағайындалды. Ол енді Павлодар облысы Энергетика және тұрғын үй-коммуналдық шаруашылық басқармасының басшысы.

Оны жаңа қызметке тағайындау туралы өкімге аймақ басшысы қол қойған. Қызығы осы болып тұр. Өйткені 2023 жылғы қыркүйекте сол Павлодар облысы әкімінің өкімімен Иманзайыпов әкім қызметінен кеткен болатын. Мұның алдында қарамағындағы қызметкерлерге қатысты жемқорлық дауы болған еді.

Айта кетейік, 2017 жылы Иманзайыпов бұл ведомствоны басқарған. Былтыр қыркүйекте Павлодар әкімі қызметінен босатылғаннан кейін Иманзайыпов облыстық кәсіпкерлік және индустриялық-инновациялық даму басқармасын басқарған болатын.