Оралдық полицейлер алдағы кәсіби мерекелеріне орай спартакиада өткізді

Оралда Қазақстан полициясы күніне орай ІІБ қызметкерлері арасында жазғы спартакиада өтті, деп хабарлады BNews.kz тілшісі БҚО ІІД-нің баспасөз қызметіне сілтеме жасай отырып.

Жарысқа 7 команда қатысты. Олар қалалық ішкі істер басқармасында түрлі қызметтер атқаратын азаматтар. Полиция қызметкерлері бес спорт түрі бойынша күш сынасты. Атап айтсақ, турникте тартылу, гір спорты, «Макаров» тапаншасынан ату, мини-футбол және 4-400 метрлік қашықтыққа жеңіл атлетикалық эстафета.

«Бірінші жалпы командалық орынға патрульдік полиция батальонының командасы ие болды, ал екінші орынды әкімшілік полиция бөлімінің қызметкерлері, үшінші орынды күзет қызметі иеленді.