Қазақстанда Олимпиада чемпионын баптаған жаттықтырушыларға пәтер берiлмейдi. Бұл туралы Орталық коммуникациялар қызметiнде өткен брифингте ҚР Спорт және дене шынықтыру iстерi агенттiгiнiң төрағасы Тастанбек Есентаев мәлiм еттi.

«2015 жылдан бастап, Үкiмет бюджет қызметкерлерiнiң жалақыларын 40 пайызға жоғарылатады. Менiңше, осымен болды. Жоғары деңгейлi спортшыларды жаттықтыратын бапкерлерге жақсы жалақы алуға мүмкiндiк бар. Бiрiншiден, Олимпиада жеңiмпазын баптаған жаттықтырушы спортшымен бiрге 250 мың доллар алады. Екiншiден, өмiрiнiң соңына дейiн ақшалай төлемақы алып тұрады. Сондықтан жаңа заң бiздiң бапкерлерге жағдай жасайды деп ойлаймын», — дедi Т. Есентаев.

АСТАНА. ҚазАқпарат - Автор: Жасұлан Жолдыбаев