Қоңыр күзді күтпестен...

Қалихан Ысқақ өзінің тұңғыш жазған «Қоңыр күз еді» туындысының соңғы жолдарын былай аяқтаған екен: «Қомшабай Алтынға деген соңғы бір көңіліндегі түйткілін айта алды ма, айта алмады ма, ол да маған беймәлім». Ешкімге сырын ашпайтын мынау жалған дүниеден өзі айтқандай, көңіліндегі түйткілін түгел айта алмай, ағамыз да кетті, Аллаға ғана мәлім дүниеге! Пейіште нұрыңыз шалқысын, қаламның киесі мен иесін таныған, қазаққа талай жауһар дүние қалдырған қайран жазушым.