Дертке шалдыққан 23 бразилиялық балаға Месут Өзілдің қаражатынан ота жасалады, деп жазады шетелдік  БАҚ.

«Құрметті жанкүйерлер, мен Әлем Кубогы қарсаңында 11 балаға ота жасалуына демеушілік көрсеттім.  Әлем чемпионатындағы толық құрамамыздың жеңіске қол жеткізгеннен кейін 23 балаға  көмек көрсеткім келеді. Бұл — менің бразилиялықтардың қонақжайлылығына деген алғысым», - деді Өзіл «Фейсбук» әлеуметтік желісіндегі өзінің парақшасында.

25 жастағы жартылай қорғаушы мундиальда жеті ойын өткізіп, бір гол соққан. Ол Германия құрамасымен бірге ақтық сында Аргентина құрамасын артта қалдырып (1:0, қосымша уақытта), алтын медальға ие болды.

АСТАНА. ҚазАқпарат