Мемлекеттік қызметшілерді аттестаттау туралы

А.ж. 6 қаңтарында Ақмола облысы бойынша мемлекеттік қызмет істері департаменті Ұлт жоспары - бес институционалдық реформаны жүзеге асыру жөніндегі 100 нақты қадамының «Кәсіби мемлекеттік аппарат құру» бірінші реформасын іске асыру аясында «Қазақстан» РТРК» АҚ Ақмола филиалының арнасында  «Актуальная тема» телехабарында  мемлекеттік қызметті реформалау мәселелері тақырыбындағы тікелей эфир ұйымдастырды.

Хабарға Департаменттің басшысы Берген Беспалинов қатысты.

Сұхбат барысында «Б» корпусы мемлекеттік қызметшілерінің аттестациясын өткізудің негізгі тәсілдері, мақсаттары, міндеттері мен ерекшеліктері талқыланды. Аттестаттау комиссиялары жұмысының объективтігі мен айқындығын қамтамасыз етуге ерекше мән берілді.