Машина жасау саласына 35 млрд теңге бөлінбек
Еліміздің машина жасау саласын қолдау мақсатында 2015 жылда Ұлттық қордан 35 млрд теңге бөлінеді. Бұл туралы Орталық коммуникация қызметі брифингінде ҚР ұлттық экономика бірінші вице-министрі Марат Құсайынов мәлімдеді.
«Отандық машина жасау саласын, оның ішінде автомобиль, тікұшақ және жолаушы тасымалына арналған вагондар құрастыруды қолдау мақсатында 2015 жылы Ұлттық қордан 35 млрд теңге бөлінеді. Автомобиль өндірісіне — 20 млрд теңге, тікұшақ құрастыруға — 10 млрд теңге, вагон құрастыруға — 5 млрд теңге бөлінеді деп жоспарлануда», -деп анықтай кетті Марат Құсайынов. Жалғасы мұнда: iskernews.kz