«Марокко» раллиінің қорытындысы бойынша Astana Dakar командасы үздік ондыққа енді

Президенттік клубтың мүшесі «Астана» командасы беделді халықаралық «Марокко» раллиіндегі жарысын тоқтатты.

Жарыс осы елдің аумағында 13-19 қазан аралығында өткен болатын. Қатысушыларға жалпы ұзындығы екі мың шақырымнан асатын аса күрделі жолдан өтуге тура келді. Astana Dakar командасына тиесілі үш жеңіл экипаж құрамының екеуі үздік ондыққа кірді.

HiLux Overdrive автокөлігімен Т1 санаты бойынша жарысқа қатысқан Айдын Рахымбаев/Константин Жильцов және Бауыржан Исабаев/Габдолла Әшімов экипажы бәсеке қорытындысы бойынша 6 және 8 орындарды иеленді. Ал Nissan Patrol автокөлігіндегі олардың әріптестері Денис Березовский/Игнат Фалковтар турнирдің 44 орынын қанағат тұтты.