Маңғыстауда африкалық түйеқұстар пайда болды
Тауық пен үйрекке қарағанда түйеқұстың машақаты аз. Азамат Оразбаев «ерекше құстарды асырауға не түрткі болды?» деген сауалға осылай жауап қатты. Мыналар – екі айлық балапандар. Бірақ олар тез жетіледі. Тәулігіне бір сантиметрге өседі. Ал үлкен түйеқұстардың бойы екі жарым метрге дейін жетеді. Азамат өзінің көптен бері ерекше кәсіппен айналысуды армандағанын айтады. Құстарға күтім көрсету жайлы интернеттен білген ол, балапандарды Алматыдағы түйеқұс қожалығынан тапсырыспен алдырған.