Жерлесіміз Қазалы ауданынының тумасы Марина Вольнова бесінші мәрте Қазақстан чемпионы атанды, деп хабарлайды аудандық әкімдіктің баспасөз қызметінен.

«Жуырда Ақмола облысының Щучинск қаласында бокстан әйелдер арасындағы Қазақстан біріншілігі болып өтті. Төрт күнге созылған тартысты бәсекеге еліміздің құрамасынан қазалылық Марина Вольнова 75 кг салмақ бойынша ел чемпионы атанды. Бүгінде аудандағы нәзік жандылар арасынан былғары қолғапты таңдаған қыздардың қатары көбейіп келеді. Демек, таяу жылдары олардың арасынан Маринаның чемпион сіңлілері шығарына шүбә жоқ»,  - делінген хабарламада.

Автор: Елубай Әуезов

Басты сөздер: Қызылорда облысы , Спорт

ҚЫЗЫЛОРДА. ҚазАқпарат