М. Филлипс: Астана хабы мен Сингапур орталығы арасындағы ынтымақтастықтың мемлекеттік қызметте алатын маңызы зор
ҚР Президенті жанындағы ОКҚ-да Ғаламдық орталық директоры Макс Эверест-Филлипс Сингапур орталығы мен Астана хабы арасындағы ынтымақтастықтың тиімділігін айтты.
«Мемлекеттік басқару саласындағы өзгерістер барлық дерлік елдерде біртіндеп орын алып отырғанын атап өтті. Мұның себебі үш бағыттағы өзгерістерге байланысты: бірінші - реформалардың тұжырымдамалық идеялары; екінші - қаржы дағдарысы, білімді халық санының артуы, жаһанданудың жоғары қарқыны мен жаңа ақпараттық технологияларға байланысты өсіп келе жатқан қоғамдық қажеттіліктер; үшінші - жаңа тәсілдер арқылы адам ресурстарын басқару саласындағы тәжірибелер, оның ішінде мемлекеттік қызметшілерді монетарлық емес жолмен ынталандыру», - деді Макс Эверест-Филлипс.
Сонымен қатар Макс Эверест-Филлипс Сингапур орталығы мен Астана хабы арасындағы ынтымақтастықтың тиімділігін айта отырып, мемлекеттік қызмет саласында белсенділік, елгезектік пен инновацияға баса көңіл аудару арқылы ойлау мен құндылықтар трансформациясы саласындағы бірлескен жұмыс маңыздылығын атап өтті.
Айта кетейік, Қазақстан Үкіметі және БҰҰ Даму Бағдарламасы бастамасымен, 25 ел және 5 халықаралық ұйым қатысуымен 2013 жылы құрылған Астана хабы Сингапур орталығы секілді мемлекеттік қызмет саласындағы білім мен тәжірибе алмасудың мойындалған халықаралық орталықтарының біріне айналды. Қазіргі уақытта, қатысушы-елдердің саны 34 ел мен 5 халықаралық ұйымға жетті. Биыл БҰҰ Бас Ассамблеясы жоғарғы деңгейдегі Комитеті 19-шы сессиясында Астана Хабына жоғары баға бере отырып, Хаб моделін көп жақты ынтымақтасуды дамытудың үлгісі ретінде тарату бойынша шешім қабылдады. 2014 жылы Хаб БҰҰ Басқармасының Оңтүстік-Оңтүстік форматындағы ынтымақтастық бойынша сыйлығымен марапатталған.
Айта кетйік, Астанадағы Мемлекеттік қызмет саласындағы өңірлік хаб 2013 жылы 25 ел және 5 халықаралық ұйым қатысуымен құрылды. Мемлекеттік басқару саласындағы 30-дан астам беделді халықаралық ұйым - Хабтың тұрақты серіктестері, оның ішінде, Мемлекеттік басқару бойынша Америкалық қоғам (ASPA), Азия мемлекеттік басқару қауымдастығы (AAPA), БҰҰ Даму Бағдарламасының Сингапурдағы мемлекеттік қызметті жетілдіру бойынша Жаһандық орталығы, Қытай мемлекеттік басқару академиясы бар. 2016 жылы 19-шы сессияда БҰҰ Бас Ассамблеясының жоғарғы деңгейдегі Комитеті Астанадағы хабтың жұмысын жоғары бағалап, Хаб моделін көпжақты ынтымақтастықты дамытудың үздік үлгісі ретінде әлемнің барлық өңірлерінде тарату туралы арнайы шешім қабылдады. 2014 жылы Хаб Оңтүстік-Оңтүстік форматындағы ынтымақтастық бойынша БҰҰ Басқармасының арнайы сыйлығымен марапатталды.
Ақпарат көзі: strategy2050.kz