Латвия «Жасыл көпір» әріптестік бағдарламасын қолдау жөніндегі Хартияға қосылды
Латвия Республикасы «Жасыл көпір» әріптестік бағдарламасын қолдау жөніндегі Хартияға қосылды. Құжатқа Рига қаласында жұмысын 5 желтоқсанда бастаған «Экологиялық таза технологияларды енгізу арқылы «жасыл» экономикаға көшу» атты қазақстандық-латвиялық ынтымақтастық жөніндегі практикалық конференциясының бірінші күнінің қорытындылары бойынша қол қойылды.
Бүгін жалғастырылып, жұмысын 7 желтоқсанда аяқтайтын бұл шараның ұйымдастырылу мақсаты – «жасыл» экономика және бизнесті ілгерілету саласында екі елдің ұйымдары мен компанияларының ынтымақтастығы аясын кеңейту мүмкіндіктерін қарастыру.