Үкі мен тышқандар. Немесе сарапшы сымақтар

Дала тышқандарының өмірі әдеттегіден тым қиындап кетеді. Жыртқыш аңдар оларды көпте жеп, саны азайып келеді.

Сол кезде Тышқандар ормандағы дана Үкіге келіп:

- О, Үкі, біздің өміріміз қиындап кетті. Бізді жемейтін жануар жоқ, тоймайды, тыныштық бермейді бізге. Біз осы жағдайдан қалай шығамыз? - деп шағымын айтып, осы мәселеден шығу жолын айтсын деп үлкен сыйақысын береді.

Үкі:

- Тышқандар, жағдай шынымен қиын екен, маған осыны шешуге бір ай керек. Бір айдан соң келіндер, - деп, жинап берген сыйақысын алып қалады.

Бір айдан соң тышқандар шешу жолын білейін деп Үкіге қайтып келеді. Сол кезде Үкі:

- Сендер кірпі сияқты болуларың керек. Сендерді жыртқыш аң жейін деп жатқанда тікендеріңді шығарсаңдар, жыртқыш аңдар сендерді тиіспейді, - деп шешімін айтады.

Сарапшы Үкінің дана ұсынысына риза болған тышқандар үйіне қайтады. Өйткені сол айтқандай жасасақ "енді аман қаламыз" деп сенеді.

Бір айдан кейін тышқандар Үкіге қайтып келіп, былау дейді:

- Үкі, біз сол баяғыдай, азайып келеміз, жыртқыш аңдар қоймайды. Біз кірпі сияқты тікен шығара алмай жүрміз. Сыйақыңызды бердік қой, соңына дейін көмек беріңіз, - дегенде,

Үкі:

- Мен орындалуына жауап бермейм, тек стратегиясына жауап берем! Ал Стратегия өте мықты, - деп, тышқандарды шығарып салады.