"Күміс көмей, жез таңдай" атты іс-шара болып өтті.

Бүгін аудандық "Nur Otan" партиясының филиалында қазақ елінің мақтанышы, әйгілі әнші, композитор Дәнеш Рақышұлының 94 жылдық мерейтойына орай "Күміс көмей, жез таңдай" атты іс-шара болып өтті.

Шараға Панфилов аудандық партиялық бақылау комиссия төрағасының орынбасары Қанат Нұркешұлы қатысып, қатысушыларға әйгілі әншінің өмір жолы мен еңбек жолына кеңінен тоқталып өтті. Сондай-ақ мәдениет үйінің әншілері Нұржан Тұрсынұлы, Еркебұлан Жайлаубайұлы, Қайрат Қалиасқарұлы композитор шығармашылығынан әсем ән шырқады.